हिविस्कस वोडिङ स्कुलद्धारा साकेला नाच वारेमा जानकारी

छाल खवर
धरान,२७ वैशाखः हिविस्कस इङ्लिस वोडिङ स्कुल धरान–१५ ले विद्यार्थीहरुका लागि साकेला नाच र यसको महत्वका वारेमा विद्यार्थीहरुलाई जानकारी दिएको छ ।

स्कुलले शुक्रवार पुस्तक रहित कक्षाको पहिलो कार्यक्रम अन्तर्गगत विद्यार्थीहरुलाई श्यामचोकमा छुट्टै कार्यक्रमको आयोजना गरी सो विषयमा जानकारी दिएको हो ।

स्कुलले आयोजना गरेको सो कार्यक्रममा नेपाल पत्रकार महासंघ सुनसरीका निवर्तमान अध्यक्ष तथा सास्कृतिक अभियन्ता जनकऋषि राईले साकेला नाचको इतिहास र यसको धार्मिक महत्व र प्रकृति र यो नाचको सम्वन्धका वारेमा जानकारी दिएका थिए ।

चरा र प्रकृतिसंग रहेको सम्वन्धलाई साकेला नृत्य (साकेला सिल्ली) कलात्मक रुपमा नृत्य मार्फत जानकारी दिएको बताएका थिए ।

किरात जाति र प्रकृतिसंग सास्कृतिक सम्वन्ध रहेको समेत राईले स्पष्ट पारेका थिए ।

स्कुलका निर्देशक गंगाराम राईले नेपाल वहुभाषिक बहुसास्कृतिक वहुधार्मिक मुलुक रहेको र यसका विविध सास्कृतिक महत्व रहेकोले किरात राई समुदायले मनाउने साकेला नाचको महत्व र यसका विशेषताका वारेमा विद्यार्थीहरुलाई जानकारी दिनको लागि कार्यक्रमको आयोजना गरीएको वताए ।

निर्देशक राईले सवै समुदायको चाड विशेषमा सम्वन्धित सवै जाति र समुदायको चाडको महत्व र विशेषताका वारेमा विज्ञ ल्याएर विद्यार्थीहरुलाई जानकारी दिने स्कुलको तयारी रहेको वताए ।

लिम्वु समुदायको चासोक, मगर समुदायको हुर्रा, गुरुङ समुदायको चाड, तामाङ समुदाय लगायत सवै जाति र समुदायको विशेष चाडहरुमा सम्वन्धित जाति र समुदायका विज्ञ ल्याएर सो विषयमा विद्यार्थीहरुलाई जानकारी दिने निर्देशक राईले वताए ।

हिविस्कस बाल क्लवकी अध्यक्ष निनाम्मा राईको अध्यक्षतामा भएको सो कार्यक्रममा श्याम चोक सेवा समाजका अध्यक्ष दिनेश रानामगर प्रमुख अतिथि रहेका थिए ।श्याम चोक युवा समाजका अध्यक्ष ललित योञ्जन लगायतको उपस्थिति रहेको थियो ।

कार्यक्रमको संचालन शिक्षक नयन राईले गरेका थिए ।