एक्वा सेकेण्डरी इङ्लिस स्कुलको निःशुल्क आँखा शिविर

छाल खवर
धरान,१० फागुनः एक्वा सेकेण्डरी इङ्लिस स्कुल धरान–१७ ले विद्यार्थीहरु तथा शिक्षकहरुको लागि निःशुल्क आँखा शिविरको आयोजना गरेको छ ।

स्कुलले शुक्रबार खुशी आई हेल्थ केयर सेन्टर धरानको प्राविधिक सहयोगमा सो कार्यक्रमको आयोजना गरेको हो ।

स्कुलका निर्देशक अनिश राईले शिविरबाट विद्यार्थी,शिक्षक अभिभावक र कर्मचारीहरु गरी करिव ५ सयजना लाभान्वित भएको जानकारी दिनुभयो ।

विद्यार्थीहरुलाई पढनको लागि आँखाको समस्या नहोस र यदी भएर पनि थाहा नहुनेलाई जानकारी होस र उपचार गर्न सकियोस भन्ने उदेश्यले शिविरको आयोजना गरीएको स्कुलले जनाएको छ ।

शरिरका महत्वपूर्ण अंग मध्ये आँखा पनि जस्तो संवेदनशील हुदा हुदै पनि सामान्य समस्या हुदा त्यती थाहा नहुने र एक्कासी ठूलो समस्या भएपनि मात्र थाहा हुने भएकोले यस्ता शिविरहरुले आखाको समस्या थाहा पाउन महत्वपूण भूमिका खेल्ने निर्देशक राईको भनाई रहेको छ ।