एक्वा सेकेण्डरी इङ्लिस स्कुलमा ट्राफिक सचेतना

छाल खवर
धरान,२४जेठ एक्वा सेकेण्डरी इङ्लिस स्कुल धरान–१७ ले विद्यार्थीहरुलाई ट्राफिक सचेतना कार्यक्रम सम्पन्न गरेको छ ।

स्कुलले शुक्रबार जिल्ला ट्राफिक कार्यालय सुनसरीको प्राविधिक सहयोगमा सो कार्यक्रमको सम्पन्न गरेको हो ।

स्कुलका निर्देशक अनिश राईले विद्यार्थीहरुलाई ट्राफिक सचेतना सम्वन्धि जानकारी गराएको जानकारी दिनुभयो ।

विद्यार्थीहरुलाई सडक पार गर्दा कसरी गर्ने यातायात चलाउदा के के कुरामा ध्यान दिने हेल्मेट किन लगाउने लगायतका विषयमा विद्यार्थीहरुलाई जानकारी गराइएको वताउनु भयो ।

विद्यार्थीहरुलाई ट्राफिक नियम पालनको ज्ञान दिनको लागि पनि यो कार्यक्रम आवस्यक परेको निर्देशक राईको भनाई रहेको छ ।

ट्राफिक ज्ञान नहुदा सडक दुर्घटना हुने गरेको वताउदै यो कार्यक्रमले सडक सम्वन्धि ज्ञान हुनुका साथै जिम्मेवार नागरीकको भूमिका निर्वाह गर्न पनि मद्धत पुग्ने निर्देशक राईको भनाई रहेको छ ।

स्कुलहरुमा आयोजना हुने यस्ता सचेतनामुलक कार्यक्रमहरुले सडक दुर्घटना न्युनिकरणमा महत्वपूर्ण हुने जिल्ला ट्राफिक प्रहरी कार्यालयका प्रहरी सहायक निरीक्षक अनिल पौडलले वताउनु भयो ।

कक्षा ७ देखि कक्षा १० सम्मका विद्यार्थीहरुलाई सो सचेतना कक्षा गरीदिएको थियो ।