हिविस्कस वोडिङ स्कुलमा सरसफाई अवार्ड

छाल खवर
धरान,२४असार ः हिविस्कस इङ्लिस वोडिङ स्कुल धरान–१५ ले व्यवहारीक शिक्षामा जोडदिदै आएको छ ।

व्यवहारीक शिक्षा स्कुलमा सिकेर विद्यार्थीहरुले घर परिवारमा लागू गर्न सकुन भनेर जोड दिएको हो ।

स्कुलले विद्यार्थीहरुले सरसफाईको कुरा स्कुलबाट घर परिवारमा पनि लागू गर्न सकुन र समाजमा व्यवहारीक शिक्षाको सन्देश दिन सकुन भनेर स्कुलमा क्लिनिङ अवार्डको शुरुवात गरीएको स्कुलका निर्देशक गंगाराम राईले वताउनु भयो ।

उहाका अनुसार विद्यार्थीहरुका लागि प्रत्येक कक्षामा डस्विनको व्यवस्था गरीएको छ र कक्षाका फोहोरहरु वाहिर नफाली डस्विनमा कुन कक्षाले नियमित राख्छ उनीहरुलाई अवार्ड प्रदान गरीनेछ ।

यस्तो कार्यक्रमले विद्यार्थीहरुलाई घर परिवारमा पनि सरसफाईको अभ्यास हुनुका साथै यसले घर व्यवहारमा समेत ठूलो परिवर्तन ल्याउन राईको विश्वास रहेको छ ।

आफ्नो घरको सरसफाई आफै गर्नुपर्दछ सानो एकटुक्रा कागजले पनि फोहोर देखिन्छ सरसफाई गरेर राम्रो देखिन्छ भन्ने उदाहरण दिन खोजिएको निर्देशक राईको भनाई रहेको छ ।

सरसफाई भन्ने कुरा घर परिवार समाज र व्यक्तिमा समेत हुनु पर्ने अपरीहार्य कुरा भएकोले विद्यार्थीहरुलाई व्यहारीक शिक्षा दिनको लागि पनि यस्तो कार्यक्रम आयोजना गरीएको निर्देशक राईले वताउनु भयो ।

जुन कक्षाले अवार्ड जित्छ उसले एक महिनभारी राख्ने र अर्को महिना कुन कक्षाले अवार्ड जित्छ उही कक्षाले ट्रफि राख्ने छ । स्कुलका सवै कक्षाका विद्यार्थीहरुले यसमा विशेष ध्यान दिन सकुन भन्ने उदेश्यले रनिङ अवार्ड राखिएको निर्देशक राईले जानकारी दिनुभयो ।