गोरु काटेर खाएको आरोपमा ७ पक्राउ

छाल खवर
धरान,५ साउनः इलाका प्रहरी कार्यालय धरानले गोरु काटेर खाएको आरोपमा ७ जनालाई पक्राउ गरेको छ ।

साँस्कृतिक अधिकार संरक्षण समितिको स्थापना दिवस मनाइएको स्थल धरान १२ स्थित स्वस्तीका चोकबाट उनीहरुलाई पक्राउ गरीएको हो ।

उनीहरु सास्कृतिक अधिकार संरक्षण समितीको १९ औं स्थापना दिवस मनाउन भेला भएका थिए ।

ईलाका प्रहरी कार्यालय धरानका डिएसपी प्रकाश जवेगुले २ महिला ५ पुरुष पक्राउ परेकोे जानकारी दिएका छन् ।

उनले पक्राउ पर्नेहरुको अनुसन्धान भईरहेकोले नाम सार्वजानिक गर्न नमिल्ने बताएकाछन् । थप अनुसन्धान पश्चात नाम सार्वजानिक गरीने डिएसपी जवेगुको भनाई रहेको छ ।