हिबिस्कस स्कुल हाजिरीजवाफमा कञ्चनजङ्घा पहिलो

छाल खवर
धरान, २२ कार्तिकः हाजिरीजवाफ प्रतियोगितालाई स्कुलको पहिचान वनाउदै आएको हिबिस्कस इङ्ग्लिस बोर्डिङ स्कुल धरान–१५मा अन्तर–सदन हाजिरीजवाफ प्रतियोगिता सम्पन्न भएको छ।

कक्षा ६ देखि १० सम्मका विद्यार्थीहरूको सहभागितासहित आयोजित उक्त प्रतियोगितामा विद्यार्थीहरूले ज्ञान, आत्मविश्वास र छिटो सोच्ने क्षमताको उत्कृष्ट प्रदर्शन गरेका थिए।

प्रतियोगितामा विद्यालयका चार सदन — कञ्चनजङ्घा, मनास्लु, अन्नपूर्ण र सगरमाथा बीच उत्साहपूर्ण प्रतिस्पर्धा भएको थियो। प्रतियोगितामा कञ्चनजङ्घा सदन पहिलो, मनास्लु सदन दोस्रो, अन्नपूर्ण सदन तेस्रो र सगरमाथा सदन चौथो स्थान ल्याउन सफल भएका थिए ।

कार्यक्रममा क्विज मास्टर शिक्षक सुजन श्रेष्ठले संयोजन र सञ्चालन गरेका थिए ।

प्रतियोगिताको निर्णायकहरू शिक्षकद्वय कुमार स्याङतान र निरञ्जन यादब रहनुभएको थियो भने स्कोर कीपर कक्षा–९ का छात्र आदित्य झा र टाइम कीपर कक्षा–१० का छात्र एलेक्स श्रेष्ठ रहेका थिए ।

विद्यालयका निर्देशक गंगाराम राईले विद्यार्थीहरूमा ज्ञान विस्तारसँगै स्वस्थ प्रतिस्पर्धा, सामुहिक सद्भाव,अनुशासनको विकास र वौद्धिक क्षमता वृद्धिमा महत्त्वपूर्ण योगदान पुर्‍याउने उदेश्यले प्रतियोगिताको आयोजना गरीएको वताए ।