हिमशिखर र ज्वालामुखी क्वाटर फाइनलमा

छाल खवर
धरान,१० मंसिरः धरानमा जारी पहिलो सुनाखरी कपको वुधवारको खेलमा ज्वालामुखि मा.वि. र हिमशिखर वोडिङ स्कुल क्वाटर फाइनलमा प्रवेश गरेकाछन् ।

‘सुनाखरी कपको चौथो दिन पहिलो खेलमा ज्वालामुखी मा.वि.ले सेन्ट जोसेफ स्कुललाई ४–० को फराकिलो अन्तरले पराजित गर्दै क्वाटर फाइनलमा पुगेको हो ।

दोस्रो खेलमा हिमशिखर स्कुल तरहराले देउराली चिल्ड्रेन एकेडेमीलाई २–१ले हराउँदै क्वाटर फाइनलमा पुगेको छ ।

खेलको म्यान अफ द म्याच ज्वालामुखी माविका सन्देश राई र हिमशिखरका सुशील वन घोषित भए। उनीहरूले नगद १÷१ हजार रुपैयाँ पुरस्कार प्राप्त गरे ।

बिहीबार पहिलो क्वाटर फाइनल खेल सुनाखरी रेड र लर्ड बुद्ध ,दोस्रो खेल प्रभात स्कुल र सैनिक आवासीय स्कुल बिच हुने आयोजकले जनाएको छ ।

मङ्सिर १७ गतेसम्म सञ्चालन हुने प्रतियोगिताको विजेताले नगद ५० हजार र उपविजेताले २५ हजार पुरस्कार पाउनेछन्।सेमिफाइनलमा पुग्ने दुई टोलीलाई जनही ५÷५ हजार रुपैयाँ प्रदान गरिने आयोजकले जनाएको छ ।