डिपो कप
- मंसिर २९, २०८२
- ८७ पटक पढिएको
- छाल खबर
छाल खवर
धरान,२९ मंसिरः डिपो माध्यमिक विद्याल धरान–१८ ले आयोजना गरेको २० औं ललित–अम्बर डिपो कप –२०८२ मा आज पाँचौ दिनको प्लेट चाम्पियनका दुई खेल भयो ।
खेलको पहिलो क्वाटर फाइनल हिमशिखर इङ्लिस बोर्डिङ स्कुल इटहरी र माउण्ट हर्मन एकाडेमी धरान–१८ बीच भएको थियो । खेलमा हिमशिखरले जित निकाल्यो ।
निकै प्रतिस्पर्धात्मक रहेको खेल निर्धारित समयमा गोल हुन नसक्दा खेलको निर्णय टाइ बेकरबाट भएको थियो । हिमशिखरले माउण्ट हर्मनलाई २–३ गोलले पराजित गर्यो । खेलमा सहभागिताकोलागि माउण्ट हर्मनलाई मायाको चिनो दिइएको थियो । उक्त मायाको चिनो नेपाल सितेरियो कराते महासङ्घ सुनसरीका अध्यक्ष रबि थुलुङले प्रदान गरेको थियो ।
प्लेट च्याम्पियनकै दोस्रो खेल सिद्धार्थ शिशु सदन, धरान–१६ र प्रभात इङ्लिस बोर्डिङ स्कुल धरान–१२
बीच भएको थियो । प्रभातको प्रतिस्पर्धी विद्यालय युनाइटेड गोर्खा एकाडेमी, धरान–१५ अनुपस्थिति भएपछि सिद्धार्थ र प्रभातबीच सेमी फाइनल खेल भएको थियो । उक्त खेलमा प्रभातले १ गोल गर्दै सेमिफाइनलमा आप्mनो स्थान पक्का बनायो । प्रभातको जितमा जर्सी १० का सायश शाक्यले गोल गरेका थिए ।
खेलमा सहभागिताकोलागि सिद्धार्थ शिशु सदनलाई मायाको चिनो दिइएको थियो । उक्त मायाको चिनो नेपाल पत्रकार महासङ्घ सुनसरीका निवर्तमान अध्यक्ष जनकऋषि राईले प्रदान गरेका थिए ।
प्लेट च्याम्पियनको दुई खेलपछि २० औं ललित–अम्बर डिपो कप –२०८२ को क्वाटर फाइनल खेल भएको थियो । नेपाल पुलिस स्कुल, धरान–१३ र इम्मानुयल इङ्लिस बोर्डिङ स्कुल, धरान–१७ बीच भएको थियो । नेपाल पुलिसले १ गोल गर्दै सेमि फाइनलको यात्रा तयार गर्यो । पुलिसको जितमा जर्सी ९ का विनायक निरौलाले मध्यान्तरपछिको अन्तिम समयमा गोल गरेका थिए । खेलमा म्यान अफ द म्याच इम्मानुयलका सपन दाहाल भएका थिए । दाहाललाई डिपो सेकेण्डरी स्कुलका व्यवस्थापन समिति सदस्य सुर्य पन्धाकले मायाको चिनो दिएका थिए ।
यसैगरि दोस्रो क्वाटर फाइनल खेल धरान इङ्लिस बोर्डिङ स्कुल, धरान–५ र लिगामेन्ट इङ्लिस बोर्डिङ स्कुल, धरान–१६ बीच भएको थियो । निकै प्रतिस्पर्धात्म रहेको खेलमा धरान इङ्लिस बोर्डिङ स्कुल, धरान–५ ले सेमिफाइनलमा आप्mनो स्थान पक्का बनायो ।
निर्धारित समयमा बराबरी १÷१ गोलमा खेल टुङ्गिएपछि खेलको निर्णय टाइ बे्रकरबाट भएको थियो । टाइ ब्रेकरमा धरान इङ्लिस बोर्डिङ स्कुल, धरान–५ ले जित निकालेको थियो । खेलमा धरान इङ्लिस बोर्डिङ स्कुल, धरान–५ का रोमन जिमी म्यान अफ द म्याच भएका थिए । उनलाई डिपो सेकेण्डरी स्कुलका व्यवस्थापन समिति सदस्य सुर्य पन्धाकले मायाको चिनो दिएका थिए ।
ललित–अम्बर डिपो कप –२०८२ मा भोलि तीन सेमिफाइनल खेल हुनेछ । पहिलो एक खेल प्लेट च्याम्पियनको सेमि फाइनलकोलागि हुनेछ भने अर्को दुई खेल डिपो कपको सेमीफाइनलकोलागि हुनेछ । भोलिको प्लेट च्याम्पियनको पहिलो खेल हिमशिखर इङलिस बोर्डिङ स्कुल, इटहरी र जोलसाया एकाडेमी, धरान–११ बीच हुनेछ । यसैगरि डिपो कपको सेमिफाइनलको पहिलो खेल डिपो सेकेण्डरी स्कुल, धरान–१८ र नेपाल पुलिस स्कुल, धरान–१३ बीच हुनेछ । दोस्रो सेमिफाइनल खेल धरान इङ्लिस बोर्डिङ स्कुल धरान–५ र आइडल इङ्लिस बोर्डिङ स्कुल, धरान–१४ बीच हुनेछ ।
डिपो माध्यमिक विद्यालयका व्यवस्थापन समितिका पूर्व अध्यक्ष ललितबहादुर लिम्बू र हालका अध्यक्ष अम्बरबहादुर लिम्बूको नाममा प्रतियोगिताको नामकरण गरिएको हो । प्रतियोगितामा विजेता विद्यालयले रनिङ शिल्डसहित नगद ११ हजार १ सय ११ रुपैयाँ, ट्रफि, मेडल र प्रमाण–पत्र प्राप्त गर्नेछन् ।
यसैगरि उपविजेताले विद्यालयले शिल्डसहित नगद ७ हजार १ सय ११ रुपैयाँ, खेलाडीले ट्रफि, मेडल र प्रमाण–पत्र प्राप्त गर्नेछन् । तेस्रो हुने विद्यालयले शिल्डसहित नगद ३ हजार १ सय ११ रुपैयाँ, ट्रफि, मेडल र प्रमाण–पत्र प्राप्त गर्नेछन् ।
पराजित विध्यालहरुबीच हुने दिलकुमार प्लेट च्याम्पियनका विजेता विद्यालयले नगद ३ हजार १ सय ११ रुपैयाँ, शिल्ड, ट्रफि, मेडल र प्रमाण–पत्र प्राप्त गर्नेछन् । यसैगरि उपविजेता विद्यालयले नगद २ हजार १ सय ११ रुपैया, शिल्ड, ट्रफि, मेडल र प्रमाण–पत्र प्राप्त गर्नेछन् ।
