हिविस्कस स्कुलद्धारा सहिदको सम्मान

छाल खवर
धरान,१६ माघः हिविस्कस इङ्लिस वोडिङ स्कुल धरान १५ ले सहिदहरुलाई सम्मान गरेको छ ।

हिबिस्कस बाल क्लबद्वारा आज सहिद दिवसको अवसरमा सहिदहरुको तस्बिरमा माल्य अर्पण दिपप्रज्वलन गरी  सम्मान गरेको हो ।

जनताको मुक्तिको लागि र व्यवस्था परिवर्तनको लागि आफ्नो ज्यानको आहुति दिने अमर शहिदहरुर्ला सम्मान गरी कार्यक्रमको आयोजना गरीएको बाल क्लवकी अध्यक्ष आस्था उदाशले वताइन ।

शहिदहरुले सत्यको बाटोमा हिडन र अन्याय विरुद्ध लडनको लागि देखाएको बलिदानीका विषयमा विद्यार्थीहरुलाई जानकारी दिन कार्यक्रमको आयोजना गरीएको निर्देशक गंगाराम राईले जानकारी दिनुभयो ।

विद्यार्थीहरुले जहानिया राण शासन विरुद्धमा आफ्नो ज्यान आहुती दिने चार शहिदहरु गंगालाल श्रेष्ठ,धर्मभक्त माथेमा,शुक्रराज शास्त्री र दशरथ चन्दले दिएको बलिदानीका विषयमा विद्यार्थीहरुलाई जानकारी गराएको स्कुलका नयन राज राईले वताउनु भयो ।

कार्यक्रम हिबिस्कस बाल क्लवका सल्लाहकार तथा बाल सञ्जाल, धरान १५ को सदस्य निनाम्मा राईको संयोजनमा भएको थियो ।

कार्यक्रममा स्कुलका शिक्षक शिक्षिका कर्मचारीहरुको उपस्थिति रहेको थियो ।