क्यानाडामा साकेला सिली

छाल खवर

धरान,१ जेठः आफ्नो संस्कार संस्कृती सवैलाई प्यारो हुन्छ भन्ने उदाहरण क्यानाडामा वस्ने प्रवासी नेपालीहरुले प्रस्तुत गरेकाछन् ।

क्यानाडामा वस्ने किरात राई समुदायले क्यानाडाको ब्रिटिस कोलम्बिया राज्यमा साकेला सिली प्रदर्शन गरेर आफ्नो मौलिक संस्कृतिको जर्गेना गरेका हुन उभौली चाडको अवसरमा मे २३ शनिबारका दिन कार्यक्रम आयोजना गरिएको थियो । साकेला सिली सो क्षेत्रमा पहिलो कार्यक्रम बनेको छ ।

ब्रिटिस कोलम्बिया राज्यको सरि स्थित बियर क्रिक पार्कमा आयोजना गरिएको कार्यक्रममा किराती तथा गैर किराती समुदायको बाक्लो उपस्थिति थियो ।

कार्यक्रममा कोलम्बिया विश्वविद्यालयमा पीएचडी गर्दै गरेकी अनुदिप देवान र रिस्ता राईले साकेला सिलीको बारेमा आप्mनो धारणा राखेका थिए । कार्यक्रममा सो क्षेत्रका किरात राई समुदायका जेष्ठ नागरिक अरुण राईलाई फेटा लगाएर सम्मान गरिरएको थियो । यसैगरि कार्यक्रममा किरात राई यायोक्खा पूर्व महासचिव सोमा राईलाई सांस्कृतिक जागरण योद्धाको रुपमा सम्मान गरिएको थियो ।

विदेशमा व्यस्त समय बचाएर साकेला सिलीको आयोजना गरिएको कार्यक्रम संयोजक सञ्जय याङबाङले बताए । उनकाअनुसार व्यक्तिगत रुपमा रकम जम्मा गरेर साकेला सिलीमा प्रयोग हुने सांस्कृतिक बाजा नेपालबाट खरिद गरि ल्याएका थिए । ब्रिटिस कोलम्बिया राज्यमा पहिलो पटक भएको सो कार्यक्रम सफल बनाउन कार्यक्रमको व्यवस्थापन अनुदिप देवानले गरेका थिए भने सिलीको नेतृत्व राजेशन राईले गरेका थिए ।

किराती परम्परागत खानाको स्वाद चखाउन चाम्रे, गुन्द्रुकको अचार, वाचिपा ९तिते०, फिलुङ्गेको अचार लगायत नेपाली खानाको परिकारहरु समावेश गरीएको थियो ।