प्रदेश १ सरकारद्धारा विदेशीएकाहरुको अनलाइन फारम भर्न शुरु स्वदेश फर्किएका युवाहरुलाई रोजगारीको अवसर श्रृजना गर्ने

छाल खवर
२०७७ जेठ २८ गते
प्रदेश १ सरकारले विदेशबाट फर्केका युवाहरुलाई स्वदेश मै स्वरोजगार वनाउनका लागि तथ्याङ्क संकलन गर्ने काम शुरु गरेको छ ।
प्रदेश न.ं १ सरकारले विदेशमा रहेकाहरुको तथ्यांक संकलन गर्न अनलाइन फारम खुला गरेको छ ।

विश्व महामारीको रुपमा रहेको कोरोना भाइरसका कारण विदेश रहेर घर फर्किन चाहने र स्वदेश फर्किएका नागरिकको तथ्यांक संकलनका लागि प्रदेश सरकारले अनलाइन फारम खुला गरेको हो ।प्रदेश नं. १ का मुख्य मन्त्री शेरधन राईले फारम भरेका प्रदेशवासीको सीपलाई प्रदेशको विकासमा प्रयोग गर्ने उद्देश्यसहित सरकारले अनलाइन फारम खुला गरेको बताए । मंगलबार अनलाइन फारम शुभारम्भ गर्दै उनले सबैलाई फारम भर्न आग्रह गरे ।

विदेशबाट फर्कन चाहेका र फर्किएका युवाहरुको सीपलाई सदुपयोग गर्दै त्यसलई प्रदेशको आर्थिक विकासमा लगाउने मुख्यमन्त्री राईको भनाई रहेको छ ।
स्वदेश फर्किएका दक्ष युवाहरुलाई उद्यममा जोड्दै कृषि र औद्योगिक क्षेत्रको विकासमा प्रदेश सरकार लागिपरेको छ।
प्रदेश योजना आयोगका उपाध्यक्ष सुवोधराज प्याकुरेलका अनुसार
तथ्यांक संकलनले विषयगत क्षेत्र पत्ता लगाउँदै युवाहरुलाई रोजगारी उपलब्ध गराउन सहज हुनेछ ।