विधान संशोधनका विषयमा निर्णय गर्न कांग्रेस संसदीय दलको बैठक बस्दै

छाल खवर
जेठ ३१
काठमाडौँ – संविधान संशोधन विधेयकको पक्षमा मतदान गर्न निर्देशन दिन कांग्रेस संसदीय दलको बैठक केहीबेरमा बस्दैछ।
दिउँसो १ बजे प्रतिनिधिसभाको बैठकले संशोधन विधेयकलाई पारित गर्ने भएपछि कांग्रेसले आफ्ना सांसदलाएै विधेयकको पक्षमा मतदान गर्न औपचारिक निर्देशन दिन बैठक बोलाएको हो।
कांग्रेसको केन्द्रीय कार्यसमिति बैठकले यसअघि नै संशोधनको पक्षमा उभिने निर्णय गरिसकेको छ। संसद बैठक बस्नुअघि संसदीय दलका नेता एवं सभापति शेरबहादुर देउवाले सम्बोधन गरेर सांसदहरुलाई निर्देशन दिने सचेतक पुष्पा भुसालले जानकारी दिइन्।
त्यस्तै संशोधन विधेयकको पक्षमा मतदान गर्न जनता समाजवादीले शुक्रबार नै निर्णय गरिसकेको छ। सांसद सरिता गिरीले हालको संशोधन र उनलाई कारबाही गर्नेबारे जसपाभित्रको समाजवादी दलको संसदीय दलको बैठक सिंहदरबारमा बसिरहेको छ।