देउवाको सवैलाई धन्यवाद राष्ट्रियतामा एक भएकोमा खुशी

छाल खवर
जेठ २९
काठमाडौँ – प्रमुख विपक्षी दल नेपाली कांग्रेसका सभापति शेरबहादुर देउवाले नयाँ नक्सा संविधानको अनुसूचिमा समेट्ने गरी संविधान संशोधन प्रस्तावमा समर्थन गर्नुभएको छ ।
उहाले संसदमा सम्वोधन गर्दै संविधान संशोधन प्रस्तावमा समर्थन जनाउनु भएको हो ।
उहाले सबै दलहरुले प्रदर्शन गरेको राष्ट्रिय एकताप्रति धन्यवाद समेत व्यक्त गर्नुभएको छ ।
उहाले सबै पार्टीहरुले राष्ट्रिय एकता प्रदर्शन गरेकोमा धन्यवाद दिँदै अब मिचिएको भूमि फिर्ताका लागि पनि विपक्षी दलको हैसियतले सहयोग गर्ने प्रतिवद्धता जनाउनु भएको थियो ।
‘सबै पार्टीहरुले राष्ट्रिय एकता प्रदर्शन गरेका छन् । यसबाट राष्ट्रिय हितका लागि, राष्ट्रको सार्वभौमसत्ता र मुलुकको अखण्डताका लागि एक छौँ भन्ने स्पष्ट भएको उहाको भनाई थियो । उहाले लिम्यियाधुरा, कालापानी, लिपुकेलसहितको भूमि नेपालको रहेको कुरा अंग्रेजले छापेको नक्सामा पनि उल्लेख रहेको दावी समेत गर्नुभएको थियो ।
ऐतिहासिक तथ्य र प्रमाणले पुष्टि गर्ने नेपाली भूभागहरु फिर्ता ल्याउनका लागि सरकारले गर्ने कूटनीतिक पहलमा कांग्रेसले साथ दिने देउवाले दावी गर्नुभयो ।