ओलीले फेरि स्थगित गरे सचिवालय बैठक

छाल खवर
३२ जेठ
काठमाडौँ÷ प्रधानमन्त्री तथा नेकपाका अध्यक्ष केपी शर्मा ओलीले आइतवारको सचिवालय वैठक स्थगित गर्नुभएको छ ।
सञ्चो नभएको भन्दै अन्तिम समयमा आएर पार्टीको पूर्वनिर्धारित केन्द्रीय सचिवालय बैठक प्रधानमन्त्री ओलीले स्थगित गर्नुभएको हो ।
बैठक स्थगित गरेको जानकारी १० मिनेट अघि मात्रै सचिवायलका सदस्यहरुलाई गराउनु भएको थियो ।
पार्टीका प्रवक्ता नारायणकाजी श्रेष्ठले बैठक स्थगित गर्नुको कारण भने आफूलाई थाहा नभएको वताउनुभयो ।
प्रधानमन्त्री ओलीले योसँगै तीन पटक पूर्वनिर्धारित सचिवालय बैठक अन्तिम समयमा आएर स्थगित गर्दै आउनु भएको छ ।
आजको बैठकमा अर्थमन्त्री युवराज खतिवडा, एमसीसी अध्ययन कार्यदलका सदस्यहरु भीम रावल र परराष्ट्रमन्त्री प्रदीप ज्ञवालीलाई पनि बोलाइएको थियो ।
एमसिसिका विषयमा पार्टी भित्र मत विभाजन भएपछि वैठकबाट निर्णय लिन अध्यक्ष तथा प्रधानमन्त्री ओलीलाई समस्या पर्दै आएको छ । तयारी नभएकोले ओलीले आजको वैठक अस्वस्थ्यताको कारण देखाउदै स्थागित गर्नुभएको स्रोतको दावी रहेको छ ।