वोर्डमा ल्याउने निर्णय धराने जनताप्रतिको अन्तरघात– संघर्ष समिति संयोजक

छाल खवर
धरान,१० असार ःअसफल खानेपानी आयोजनालाई बोर्डमा ल्याउने नगरसभाको निर्णय तत्काल पुर्नविचार गर्नुपर्ने माग संघर्ष समितिले गरेको छ ।

सर्वदलीय तथा सर्वपक्षीय खानेपानी संयुक्त संघर्ष समिति, धरानका संयोजक सुजेन्द्र तामाड।ले असफल योजनालाई वोर्डमा ल्याएर अघि वढनु भनेको धराने जनतालाई अन्तरघात भएको हुनाले तत्काल निर्णय पुर्नविचार गर्नुपर्ने बताएकाछन् ।
खानेपानी संस्थान बाहेक एसियाली विकास बैंक अन्र्तगतको खानेपानी आयोजनाले दैनिक १ करोड ३ लाख उत्पादन गर्ने योजना भएपनि दैनिक औसत ६२ लाख मात्र उत्पादन गरेको दावी गरेकाछन् ।
उनले घरघरमा दुइ तिन तलामाथि चढ्ने गरी ७ मिटरको प्रेसर हुन्छ भनि भनिएको भएपनि टंकीका पानी चढाउन मोटर जडान गर्नु बाध्य हुनुपरेको जिकिर गरेकाछन् ।
न्युनतम् १६ घण्टादेखि २४सै घण्टा दैनिक पानी वितरण हुने आयोजनामा भनिएको भएपनि दिन विराएर पानी वितरण हुने गरेको उनको आरोप छ ।
खानेपानी व्यवस्थापन बोर्डले ट्याङ्करबाट समेत पानी बाँड्नु परेको अवस्थामा परीक्षणकाल ३ महिना रहँदा समेत विद्यमान रहनुले आयोजना पूर्ण असफल भएको प्रष्ट देखिएको उनले दावी गरेकाछन् ।
आयोजनालाई लक्ष्य र सम्झौता बमोजिम उत्पादन र वितरण गर भन्नू पर्नेमा यथास्थितिमै संस्थान गाभ्ने निर्णय गर्नु धरानको लागि अन्तरघाती निर्णय भएको आरोप समेत लगाएकाछन् ।
बोर्डले पानी खुवाउन नसक्दा उत्पन्न हुने भयावह स्थितिलाई व्यवस्थापन गर्नपनि आयोजना सफलताको प्रमाणिकरण नहुँदासम्म संस्थानलाई जीवित राख्नु पर्ने उनको माग रहेको छ । उनले नगरसभावाट असारभित्रै संस्थान गाभ्ने भन्ने अन्तरघाती निर्णयलाई तत्काल पुनर्विचाार गर्न सम्बन्धित सबैमा अनुरोध समेत उनले गरेकाछन् । निर्णय पुर्नविचार नगरे जनतावाट यस निर्णयउपर प्रतिकार हुने कुराको समेत उनले ध्यानाकर्षण गराएकाछन् ।