कांग्रेसको बैठक भोली बस्दै सशोधित कार्यतालिका अनुमोदन गर्ने

छाल खवर
धरान,१५ असारः नेपाली कांग्रेसको बैठक भोली मंगलबार बस्ने भएको छ । हिजो आइतबार बसेको पदाधिकारीहरुको केन्द्रीय कार्य समितिको बैठकले १६ गते १ बजे केन्द्रीय समिति बैठक बोलाउने निर्णय गरेको कांग्रेस सोतले जानकारी दिएको छ ।
भोलिको बैठकबाट आसन्न १४ औं महाधिवेशनको कार्यतालिकाबारे छलफल हुने अपेक्षा गरिएको छ । कांग्रेसले १४ औं महाधिवेशनको अन्तिम मितिलाई कायमै राख्दै अन्य कार्यतालिका संशोधन गर्ने भएको छ ।
कोरोना भाइरसको संक्रमणसँगै महाधिवेशनको सम्पूर्ण कार्यतालिका प्रभावित भएपछि आइतबार बसेको पदाधिकारी बैठकले फागुन ७ देखि १० गते अन्तिम मितिलाई कायम राख्दै अन्य कार्यतालिका परिर्वतन गरेको हो ।
पार्टी केन्द्रीय कार्यालय सानेपामा दिउँसो बसेको बैठकले महाधिवेशनको संशोधित कार्यतालिका तय गरेको छ । संशोधित कार्यतालिकालाई अनुमोदन गर्न भोलीको बैंठक बोलाएको स्रोतको दाबी छ ।
कात्तिक १६ गते देखि तल्लो तहको अधिवेशन सुरु गर्ने यसअघिको कार्यतालिका संशोधन गर्दै कांग्रेसले पुसमा पु¥याएको छ । यसअघि नै महाधिवेशनको कार्यतालिका संशोधन गरीसकेको कांग्रेसले संगठन समायोजनसहितका नौ चरणको तालिका संशोधन भइसकेको छ ।
कांग्रेसले महाधिवेशनको तयारी आन्तरीक रुपमा तल्लो तहसम्म शुरु गरेको छ ।