उद्योगी व्‍यवसायीको ७ सुत्रीय माग

छाल खवर
मोरड.,२२ असारः प्रदेश १ का उद्योगी व्यवसायीहरुले ७ सुत्रीय माग राखी सरकार समक्ष पेश गरेकाछन् ।
उद्योग संगठन मोरंग, मोरङग ब्यपार संघ लगायत प्रदेश १ का ३६ वटा उद्योग वाणिज्य संघहरुले संयुक्त रुपमा हस्ताक्षर सहित जिल्ला प्रशासन कार्यालय मोरंग मार्फत माग पत्र वुझाएका हुन् ।
सरकारसंग उद्योगी व्‍यवसायीहरुले बैंकको ब्याज घटाउन, किस्ता भुक्तान गर्ने समयावधि थप गर्न, पूर्नकर्जा सुविधा, लकडाउन अवधिको बीमाको प्रिमियम छुट, विद्युत महसुल डिमाण्ड शुल्क, कर तथा राजस्व बुझाउन समयको माग, र कर तथा राजश्व फिर्ता सम्बन्धि माग गरेको सुनसरी उद्योग वाणिज्य संघका अध्यक्ष गिरीधारी सापकोटाले बताउनुभयो ।
सरकारसंग बारम्वार आग्रह गर्दापनि वेवास्ता गरेको सापकोटाको भनाई रहेको छ ।
प्रदेश १ का आन्तरिक मामिला तथा कानुन मन्त्री हिक्मत कार्कीले नीजि क्षेत्रबाट उठेका माग सम्बोधनका लागि पहल गर्ने आस्वासन दिनुभएको सापकोटाले जानकारी दिनुभयो ।
सापकोटाले प्रधानमन्त्री केपी ओलाी,अर्थमन्त्री युवराज खतिवडा, लगायत मागसंग सम्वन्धित मन्त्री र मन्त्रालयमा माग पत्र पठाएको सापकोटाको भनाई रहेको छ ।
माग पुरा हुने आसा लिएको उहाको भनाई रहेको छ ।