पुष्पलालको स्मृतिमा रक्तदान २ सय ८२ पिन्ट रगत संकलन

छाल खवर
साउन,६ धरान ः पुष्पलाल स्मृति प्रतिष्ठान सुनसरीको आयोजनामा सुनसरीको रामधुनी नगरपालिकामा रक्तदान कार्यक्रम सम्पन्न भएको छ ।

नेपाल कम्युनिष्ट पार्टीका संस्थापक पुष्पलाल श्रेष्ठको ४२ औँ स्मृति दिवसका अवसरमा मंगलवार रामधुनी नगरपालिकाको झुम्कामा रक्तदान कार्यक्रम सम्पन्न भएको हो ।उक्त कार्यक्रमा २ सय ८२ जनाले रक्तदान गरेको थिए ।

नेकपा रामधुनीको संयोजनमा भएको उक्त कार्यक्रममा रामधुनी, इटहरी, इनरुवा तथा वराह नगरपालिकाका नेकपाका समर्थक, नेता तथा कार्यकर्ताले रक्तदान गरेका थिए ।
प्रतिष्ठानका अध्यक्ष नन्द वस्नेतको अध्यक्षता र नेकपा सुनसरीका इन्चार्ज धर्मराज निरौलाको प्रमुख आतिथ्यमा कार्यक्रम भएको हो ।कार्यक्रममा वोल्दै निरौलाले पुष्पलालको योगदान अविष्मरणिय र उल्लेखनिय रहेको बताउँनुभयो ।

कोभिड–१९ को महामारीको समयमा पनि रगतको अभाव हुन नदिन रक्तदान कार्यक्रमको आयोजना गरिएको नेकपा रामधुनीका नगर अध्यक्ष राम कोइरालाले बताउँनुभयो ।

श्रेष्ठको ४२ औँ स्मृति दिवसको अवसरमा पुष्पलाल स्मृति प्रतिष्ठानले सुनसरीका विभिन्न ठाउँमा कार्यक्रम आयोजना गरीएको प्रतिष्ठानका अध्यक्ष नन्द बस्नेतले जानकारी दिनुभयो ।

वहाँका अनुसार भोलि ७ गते इटहरीमा वृक्षारोपण तथा कोण सभा र १० गते धरानमा पुष्पलालको योगदानको चर्चा बिषयक विचार गोष्ठी हुनेछ ।

कम्युनिष्ट पार्टीका संस्थापक पुष्पलालले नेपाली कम्युनिष्ट आन्दोलनमा दिएको योगदानलाई कहिल्यै भुल्नु हुदैन ।