समुदायमा कोरोना नफैलिएको स्वास्थ्य मन्त्रालयको दावी

छाल खवर
साउन,१३ काठमाडौं ः समुदायमा कोरोना फैलिएको व्यपाक हल्ला चलिरहेको ेवेला स्वास्थ्य तथा जनसंख्या मन्त्रालयले कोरोना समुदाय स्तरमा नफैलिएको दावी गरेको छ ।

कोरोना नियमित ब्रिफिङका क्रममा मन्त्रालयका प्रवक्ता डा जागेश्वर गौतमले कोरोना समुदायमा नफैलिएको बताएका हुन्।
प्रवक्ता गौतमले देशमा एकै ठाउँमा धेरै संक्रमण फैलिएकोले समुदायमा कोराना फैलेको कुरा बाहिर आएको हो र हालसम्म नेपालमा समुदायमा कोरोना संक्रमण भएको प्रमाणित नभएको दावी समेत गरेकाछन् ।

भाइरसको फैलावटको वर्गीकरण अनुसार विश्व स्वास्थ्य संगठनले नेपालमा ठाउँ विशेषमा कोभिड–१९ केस भएको मुलुकको सूचीमा राखेको जानकारी गराए।

साउन ७ गतेबाट मुलुकभर लकडाउन सरकारले हटाएपनि पछिल्लो समय केही स्थानमा भने समुदायमा फैलिने खतरा देखिएपछि पुर्न कडा लकडाउन शुरु भएको छ ।