संसद सचिवालयमा युट्युब र फेसबुक बन्द

छाल खवर

साउन,१३ काठमाडौं ः नीति निर्माण गर्न गएकाहरु नै सामाजिक सञ्जालमा व्यस्त बन्न थालेपछि संघीय संसद सचिवालयमा अव फेसवुक र युट्युबसंगै सामाजिक सञ्जाल प्रयोग गर्न नपाउने व्यवस्था गरीएको छ ।

युट्युब र फेसबुक प्रयोगकर्ताहरु अत्याधिक रहेको र सो कारण अन्य कामको लागि इन्टरनेटको गति सुस्त भएकाले सो व्यवस्था गरीएको सचिवालयले जनाएको छ ।

सचिवालयका अनुसार बिहान ११ बजेदेखि दिउँसो ३ बजेसम्म युट्युब र सामाजिक सञ्जाल बन्द गरिएको हो ।
सचिवालयको सूचना प्रविधि शाखाका कम्युटर अधिकृत जगदिश न्यौपानेले काममा इन्टरनेटले ढिला गरेकोले सो कार्य गर्न वाध्य भएको वताए ।

उनका अनुसार मंगलबारदेखि संसद सचिवालयको सर्भरमा दिउँसोको समयमा युट्युब र सामाजिक सञ्जाल नचल्ने प्रावधान राखिएको छ । संसद सचिवालयको सर्भरमा दैनिक ५०० को हाराहारीमा प्रयोगकर्ता रहने गरेका छन् ।
इन्टरनेटको क्षमता भन्दा वढी प्रयोगकर्ता भएको कारणले सेवाग्राहीको काममा ढिलासुस्ती हुदै आएको थियो ।