उपसचिव प्रेम सञ्जेल माथि महिलाद्धारा कुटपिट

छाल खवर
धरान,१७ साउन ः आफुलाई सरुवा गरेको विषयमा सरकारको विरोध गरेर सामाजिक सञ्जालबाट चर्चा कमाएका वरिष्ट उपसचिव प्रेमप्रसाद सञ्जेल माथि कुटपिट भएको छ ।

श्रम कार्यालय विराटनगरमा कार्यरत वरिष्ठ उपसचिव प्रेमप्रसाद सञ्जेल माथि आफ्नै कार्यालयका २ महिला कर्मचारीले कुटपिट गरेका थिए ।उनलाई आफ्नै कार्यलयका २ सहयोगी महिला कर्मचारीले कुटपिट गरेको कार्यालयले जनाएको छ ।

सो विषयमा जिल्ला प्रहरी कार्यालय मोरङका एसपी सन्तोष खड्काले सञ्जेलमाथि कुटपिट भएको पुष्टि गर्दै कुटपिट हुनुको कारण यकिन नभएको बताए ।

सञ्जेलले आफूमाथि हातपात भएको विषयमा जानकारी गराएपछि प्रहरी पठाएको र घटनाको वारेमा जानकारी लिदा कार्यालयकै २ जना महिला कर्मचारीले गरेको वुझियो ।

सञ्जेलको ओठभित्र चोट लागेर सामान्य रगत बगेको छ भने अन्य ठुलो चोटपटक नदेखिएको एसपी खड्काले जानकारी दिएकाछन् ।

दुवैपक्षलाई जिल्ला प्रहरी कार्यालय मोरङमा वोलाई छलफल गरी सहमति गराएर पठाईएको प्रहरीले जनाएको छ ।