निगमले बढायो पेट्रोलियम पदार्थको मूल्य

छाल खवर
धरान,१७ साउन ः नेपाल आयल निगमले पेट्रोलियम पदार्थको मुल्य वारम्वार वढाउदै आएको छ । यो वा त्यो वाहानामा मुल्य बढाउदै आएको छ नेपाल अयल निगमले पेट्रोलियम पदार्थको मूल्य समायोजन गरेको छ ।

शनिबार राति १२ बजेबाट लागू हुनेगरी डिजेल,पेट्रोल र मट्टीतेलमा प्रतिलिटर दुई दुई रुपैयाँले मूल्य बढाईएको निगमका प्रवत्ता विनितमणी उपाध्ययले जानकारी दिए ।

नयाँ मूल्य वृद्धिपछि डिजेल र मट्टीतेल र पेट्रोलको काठमाडौं उपत्यकामा प्रतिलिटर मूल्य क्रमश ९० र १ सय ४ रुपैयाँ कायम भएको छ ।

खाना पकाउने ग्यास र हवाई इन्धनको मूल्य भने समायोजन नगरिएको निगमले जनाएको छ ।अगष्ट एकमा भारतीय आयल कर्पोरेसनबाट प्राप्त नयाँ मूल्य अनुसार पेट्रोलियमको मूल्य बढेर प्राप्त भएकाले स्वचालित मूल्य समायोजन कार्यविधि अनुसार मूल्य बढाइएको निगमको स्पष्टीकरण छ ।

जुलाई १६ मा प्राप्त मूल्यअनुसार नै निगमलाई पाक्षिक ६ करोड बढी घाटा रहेको प्रवक्ता उपाध्यायले बताए ।