धरानमा एक हप्ता लकडाउन अत्यावश्यक बाहेक सबै बन्द

छाल खवर

धरान,२१ साउनः समुदायस्तरमै कोरोना फैलिएको भन्दै व्यापाक चर्चा हुन थालेपछि त्यसलाई न्युनिकरण गर्नको लागि धरान उपमहानगरपालिकाले एकहप्ताा लागि विहिवारदेखि एकहप्ताका लागि लकडाउन गर्ने भएको छ ।

समुदाय स्तरमै कोरोना फैलिएको भन्दै बुधवार मध्यरातीदेखि लागूहुने गरी एक हप्ताका लागि पूर्ण लकडाउन गर्ने निर्णय भएको ९ नं वडाध्यक्ष रत्न कटुवालले जानकारी दिएकाछन् ।

धरान उपमहानगरपालिकाको बुधवार वसेको नगर कार्यपालिकाको बैठकले सो निर्णय गरेको हो ।
कट्वालले दिनुभएको जानकारी अनुसार बुधवार १२ बजेराती देखि साउन २९ गतेसम्म एक हप्ता लकडाउन गर्ने निर्णय भएको छ ।

अत्यावश्यक र औषधी पसल बाहेक सबै पसलहरु बन्द गर्ने निर्णय भएको वडाध्यक्ष कट्वालले छाल खवरलाई बताउनु भयो ।

त्यसैगरी खानेपानीको मुहानमा तोडफोड गर्ने समूहको नाइके हर्क साम्पाङलाई कडा भन्दा कडा कार्वाही गर्नुपर्ने र खानेपानी संस्थानका प्रमुख रामकुमार श्रेष्ठ तथा कर्मचारी मदन राईलाई पनि कार्वाहीको दायरामा ल्याउने निर्णय भएको छ ।

धरानमा कोरोना सङ्क्रमितको सङ्ख्या २८ पुगेको छ भने त्यसमध्ये ९ जना समुदायका स्थानियमा पनि संक्रमण देखिएको हो ।
लकडाउन नै अन्तिम विकल्प भएको भन्दै छिमेकी अन्य नगरपालिकाहरुले पनि लडडाउन शुरु गरेकाछन् ।