धरानमा लकडाउन पूर्णरुपमा कडाई सुरक्षामा कडाई गरीएको डिएसपि वस्नेतको भनाई

लकडाउनको पहिलो दिन सुनसान भानुचोक
तस्विर ःममिता श्रेष्ठ

छाल खवर
धरान,२२ साउन ः धरान क्षेत्रमा विहिवारबाट घोषणा गरीएको दोस्रो चरण्को लक डाउन पूर्णरुपमा कडाई गरीएको छ ।

धरान उपमहानगरपालिकामा केहीदिन यता समुदाय स्तरमै कोरोना भाइरसको सङ्क्रमण फैलिएको भन्दै नगरपालिकाले विहिवारबाट घोषणा गरेको एक साता लामो लकडाउनको पहिलो दिन कडाई गरीएको हो ।

दोस्रो चरणको लकडाउनमा घर देखि कोही पनि बाहिर निस्कन नपाइने गरी कडाईका साथ प्रहरी परिचालन गरिएको इलाका प्रहरी कार्यालय धरानका प्रमुख डिएसपी ज्ञानेन्द्र बहादुर बस्नेतले जानकारी दिएका छन् ।

उनले खाद्यान्न र सव्जि विक्रिका पसलहरु समेत पूर्णरुपमा वन्द गरीएकोले लकडाउन पूर्णरुपमा वन्द भएको दावी गरे ।मुख्य चोकहरुमा सुनसान रहेको छ भने भित्रि सडकहरु समेत वन्द रहेकाछन् ।

औषधी पसल, एम्बुलेन्स, दमकल, शव बाहान,सञ्चारका साधनहरु बाहेकका अन्य सवारी साधन चलाउन रोक लगाईएको छ । पहिलो चरणको लकडाउनका मर्निङवाक र इभिनिङ वाक गर्नेहरु र विना काम हिडनेहरुले हैरानी पारेका थिए ।यसपटक भने सर्वसाधारणलाई हिँडडुल गर्न पुर्णरुपमा निषेध गरिएको छ ।

स्थानीय सरकारको रुपमा रहेको नगरपालिकाले गरेको लकडाउनलाई जिल्ला प्रशासन कार्यालय सुनसरीले जिल्लालाई निषेधित क्षेत्र घोषणा गर्नुले पनि थप सहयोग मिलेको छ ।

जिल्ला प्रशासन कार्यालयले निषेधित क्षेत्र घोषणा गरेकोले जिल्लाभर प्रहरी परिचालन हुने भएकोले धरान लगायत इटहरी उपमहानगरपालिका, इनरुवा, दुहबी र रामधुनी नगरपालिकालाई पनि थप सहयोग पुगेको छ ।

धरानमा पछिल्लो समय ४० जना कोरोना सङ्क्रमितको सङ्ख्या पुगेकोमा १८ जना समुदायकै मानिसमा कोरोना सङ्क्रमण भएको पाइएको छ ।

यसैवीच लकडाउनलाई कार्यान्वयन गर्न धरान उपमहानगरपालिकाले धरानवासीलाई घर बाहिर ननिस्किन र लकडाउनको पूर्ण पालना गर्न अनुरोध समेत गरेको छ ।

लकडाउन सँगै जिल्लामा निषेधित क्षेत्र पनि घोषणा भएकोले दुवैको पालना गर्नुपर्ने र पालना नगरेको पाइएमा कानुनी कारबाही गर्न प्रहरी वाध्यहुने इलाका प्रहरी कार्यालय धरानका प्रमुख डिएसपी बस्नेतले बताए ।

उनले आम जनताकै स्वास्थ्य सुरक्षालाई ध्यानमा राखी लडडाउनमा कडाई गरेकोले सहयोग गर्न धरानवासीलाई आग्रह समेत गरेकाछन् ।