अग्रज पत्रकार श्रेष्ठको निधन

छाल खवर
झापा,२५ साउन ः झापाका अग्रज पत्रकार तथा साहित्यकार अमृतलाल श्रेष्ठको निधन भएको छ। आइतबार साँझ उनको निधन भएको हो।

लामो समयदेखि मृगौलाको रोगबाट पीडित उनले नियमित डायलासिस गराइरहेका थिए।

पत्रकार श्रेष्ठको आइतबार साँझ झापाको मेचीनगर नगरपालिका वार्ड नं १० धुलाबारीस्थित निवासमा निधन भएको हो।

एक साताअघि गम्भीर विरामी भएपछि श्रेष्ठलाई उपचारका लागि विर्तामोडको विर्तासिटी अस्पताल भर्ना गरिएको थियो। अस्पतालबाट आइतबार घर पुर्‍याएको केही घण्टमामै उनको निधन भएको थियो।

उनी राष्ट्रिय समाचार समितिको भद्रपुर कार्यालयको प्रमुख भएर लामो समय काम गरेका थिए। सेवाबाट अवकाश पाएपछि धुलाबारीस्थित निवासमा बस्दै आएका थिए।