विजयपुर हस्पिटलका स्वास्थ्यकर्मीसहित १० जनाको रिपोर्ट नेगेटिभ

छाल खवर
धरान,२ भाद्र ः विजयपुर हस्पिटल धरानमा कोरोना संक्रमित विरामीको उपचारमा संलग्न रहेका चिकित्सकहरु सहित १० जनाको पिसिआर रिपोर्ट नेगेटिभ आएको अस्पतालले जनाएको छ ।

निमोनियाको विरामी भई उपचारका लागि आएका धरान–८ का एक ६७ वर्षिय पुरुषमा कोरोना पोजेटिभ आएपछि संलग्न चिकित्सकहरु र अन्य गरी १० जनाको स्वाव परिक्षण गरीएको थियो ।

विजयपुर अस्पतालका निर्देशक प्रभाव खतिवडाकाले संक्रमित विरामीको कन्ट्याक ट्रेसिङको आधारमा १० जनाको स्वाब परिक्षण गरीएको र सवैको रिर्पोट नेगेटिभ आएको वताउनुभयो ।

उहाका अनुसार ‘डाक्टर, नर्स, सहयोगी गरेर १० जनाको स्वाब संकलन गरेर परीक्षण गरिएको थियो ।

विरामीको रिपोर्ट पोजेटिभ आएपछि उपचारमा संलग्न एक जना फिजिसिजन, २ जना मेडिकल अफिसर, ५ जना स्टाफ नर्स र २ जना सहयोगीको स्वाब परीक्षण गरिएको थियो ।

खतिवडालेका अनुसार आइसोलेसन वार्डलाई सिल गरेर सेनिटाइज गरीसकिएको छ ।त्यो समय पनि ७२ घण्टा भन्दा बढी समय भइसकेको छ ।

सवैको रिपोट नेगेटिभ आएपछि खुशी लागेको खतिवडाले वताउनुभयो ।