धरान १३ मा एकै परिवारका २ जनामा कोरोना संक्रमण

छाल खवर
धरान,२ भाद्र ः धरानमा एकै परिवारमा २ जनामा कोरोना संक्रमण पुष्टि भएको छ ।

धरान १३ का ६७ बर्षका वृद्ध र २६ बर्षकी महिलामा संक्रमण पुष्टि भएको हो । उनीहरुलाई कन्ट्याक ट्रेसिङको आधारमा साउन ३० गते स्वाब लिइएको थियो ।

स्थानीय जानकी चोकमा ११७ जनाको स्वाब लिइएकोमा एकै परिवारका २ जनाको मात्र पोजेटिभ आएको स्वास्थ्य महाशाखा प्रमुख उमेश मेहताले जानकारी दिनुभइको छ ।

यस अघि सो परिवारको १ जनामा संक्रमण पुष्टि भएको थियो । सो संक्रमितका श्रीमति र बुबाभएको वताइएको छ ।

मेहताले मंगलवार धरान १८ मा ४४ जनाको स्वाव संकलन गरीएको र जसमा ३८ पुरुष र ६ महिला रहेको जानकारी दिनुभयो ।
त्यसैगरी धरान ७ कि २३ वर्षिया युवति पनि संक्रमित रहेको र उनलाई वीपी प्रतिष्ठानको आइसुलेसनमा राख्ने तयारी भईरहेको मेहताले वताउनुभयो ।

उनीहरुलाई होम आइसुलेसनमा नै राख्ने विषयमा सल्लाह भइरहेको मेहताले वताउनु भयो ।
परिवारमा आमा र छोराको रिपोर्ट भने नेगेटिभ आएको १३ नं. वडाका वडाध्यक्ष नेत्र काफ्लेले जानकारी दिनुभयो ।