प्रधानमन्त्री ओलीको तीज शुभकामना जीवन रक्षालाई महत्व दिन आग्रह

छाल खवर
काठमाडौं,५ भदौं ः प्रधानमन्त्री केपी शर्मा ओलीले कोरोना महामारीले सिर्जना गरेको कष्टकर परिस्थितिबीच मनाउनु परेकाले विज्ञको सल्लाह र सरकारको निर्देशनअनुरूप नै सामाजिक व्यवहार गर्न आग्रह गरेका छन् ।

नेपाली हिन्दू महिलाको ठूलो पर्व हरितालिकाका अवसरमा स्वदेश तथा विदेशका नेपाली दिदीबहिनीमा पारिवारिक सुख, शान्ति र समृद्धिका लागि शुभकामना व्यक्त गर्दै प्रधानमन्त्री ओलीले विगतमा जस्तो भेटघाट, नाचगान, रमझम र उल्लासको अवस्था नरहेकाले महामारीले सिर्जना गरेको सीमाभित्र रहेर मनाउन र आ आफ्नो जीवन रक्षालाई उच्च महत्व दिन सबैमा विशेष अनुरोध गरेका हुन् ।

गतवर्षहरुमा शिव मन्दिर जाने पुजा आजा गर्ने र दिनभर महिलाहरु सामुहित रुपमा जम्मा भएर नाचगान गरेर रमाइलो गरी व्रत वस्ने गरेका थिए ।

यस पटक कोरोना महामारीका कारण भीडभाड गर्न वन्देज गरीएको छ ।