प्रदेश १ सरकारको मन्त्रीपरिषद बैठकले गरेका निर्णयहरु

छाल खवर
धरान,५ भाद्र ः प्रदेश १ सरकारको मन्त्रीपरिषदको बैठकले प्रदेशस्तरीय अत्याधुनिक ल्याव स्थापना गर्न त्रिभुवन विश्व विद्यालयको क्षेत्राधिकारमा रहेको डिग्री क्याम्पसको जग्गा भाडामा लिने निर्णय गरेको छ ।

सो जग्गामा स्वीस सरकारले केहि समयअघि हस्तान्तरण गरेको ल्याव जडान गर्ने सरकारको तयारी गरेको हो ।

बैठकले सामाजिक विकास मन्त्रालयललाइ सरकारको नीति तथा कार्यक्रम अनुसार विभिन्न कार्य्रम सँचालन गर्न आवश्यक पर्ने मन्त्रालयको कार्याविधि २०७७ लाइ स्वीकृत प्रदान गरेको छ ।

बैठकले पर्यटन विकास आयोजना तथा जलधार व्यवस्थापन कार्यान्वयन एकाइको म्याद १ वर्षलाइ थप गर्ने निर्णय गरेको छ ।

सरकारका प्रवक्ता तथा आन्तरिक मामिला एवंम कानून मन्त्री हिक्मत कार्कीका अनुसार सरकारले कोभिड उपचार तथा व्यवस्थापनका लागि सरकारले गरेको कार्यको आशातित प्रगती भएको निस्कर्ष समेत निकालेको छ ।

प्रदेश सरकारले कोरोना माहामारीको समयमा गरेको काम सन्तोष जनक रहेको पनि निकालेको छ ।