प्रहरीको मोष्ट वान्टेड सूचिमा रहेका बग्गा पक्राउ

छाल खवर
धरान,७ भदौ ः प्रहरीको सर्वाधिक खोजीको सूचिमा रहेका प्रदिप यादव (बग्गा) पक्राउ गरेकाछन् ।

भारतमा बसेर नेपालमा हातहतियार र लागुऔषधको कारोबार गर्ने ३९ वर्षिय अपराधी प्रदिप यादव (बग्गा)लाई मोरङ प्रहरीले पक्राउ गरेको हो ।

मोरङ प्रहरीका प्रवक्ता मानबहादुर राईका अनुसार भारतको अररिया जिल्ला ईन्द्रनगर ग्राम पञ्चायत वडा नं १० टिकुलिया टोलका बासिन्दा बग्गालाई शनिबार विराटनगर महानगरपालिका वडा नं १६ स्थित नेपाल–भारत सीमाको दरैयाबाट पक्राउ गरीएको हो ।

प्रहरीका अनुसार बग्गा भारतमा बसी नेपालको १ र २ नं प्रदेशका विभिन्न जिल्लामा अवैध रुपमा हातहतियार तथा लागूऔषधको कारोबार सञ्जाल बिस्तार गर्दै आएका थिए ।

बग्गाको साथबाट डाइलेक्स डि. सी.१५ बोतल, नाईट्रोसन ५० चक्की र नाईट्राभेट ५१ चक्की लागूऔषध समेत बरामद भएको प्रहरीले जनाएको छ ।

प्रहरीका अनुसार बग्गाले २०७५ मंसिरको पहिलो साता उदयपुरगढी गाँउपालिकाका मन्दिप तामाङ, सुनसरी दुहवी नगरपालिका वडा नम्बर ५ हाल ईटहरी १२ खनारका ३५ वर्षका सुशीलकुमार साहुलाई हातहतियार नेपाल पठाएका थिए ।

त्यस्तै विराटनगर १६ बस्ने २२ वर्षिय बिध्यानन्द मण्डल, सोही ठाउँको २० वर्षिय अनुप गिरीलाई लागूऔषध र हातहतियार धरान घर भई ललितपुर जिल्ला एकान्तकुनामा डेरा गरी बस्ने ४१ वर्षिय रुपम राईलाई विराटनगरको बसपार्कमा दिन भनी पठाएका थिए ।

मन्दिप तामाङ र सुशील कुमार साहु विराटनगर १६ स्थित हुलास मेटल चौकबाट पक्राउ परेका थिए भने बिध्यानन्द मण्डल, अनुप गिरी र रुपम राई विराटनगर बसपार्कबाट पक्राउ परेका थिए ।

उनीहरुलाई हातहतियार तथा खरखजना सम्बन्धी मुद्दाचलाउने प्रहरीले जनाएको छ ।