छाल खवर
धरान,२३ भदौ ः जिल्ला प्रशासन कार्यालय सुनसरीले मंगलवारबाट लागू हुने गरी दिउसो २ वजेसम्म बजार तथा पसल खोल्ने निर्णय गरेको छ ।
प्रशासन कार्यालयले बिहान १० बजेसम्म मात्र बजार तथा पसल खोल्न दिइएकोमा डिसिसिएमसि बैठकले दिउँसो २ बजेसम्म बजार तथा पसल खोल्न दिने निर्णय गरेको हो ।
बजार खोल्ने समय वढाउन व्यवसायीहरुको माग वढदै गएपछि २ बजेसम्म समय दिइएको र यसको अनुगमन गर्ने जिम्मा स्थानीय तह र उद्योग वाणिज्य संघलाई दिइएको सुनसरीका प्रमुख जिल्ला अधिकारी फडिन्द्रमणि पोखरेलले जानकारी दिएकाछन् ।
जिल्ला प्रशाशन कार्यालय सुनसरीका अनुसार बजार तथा पसल २ बजेसम्म खोल्न दिने निर्णय भएपनि केन्द्र सरकारले निर्णय गरे अनुसार सैलुन, ब्युटि पार्लर, जिमहल भने खोल्न नपाइने भएको छ ।
होटल तथा रेष्टुरेष्टहरुलाई अनलाइन अर्डर होम डेलिभरी गर्न तथा ग्राहक आफै आएर प्याकिंग लैजाने विधिमा सञ्चालन गर्न पाउने निर्णय भएको छ तर होटलमा वसेर खान भने नपाउने निर्णय भएको छ ।
चाडपर्व नजिकिदै गएकोले सावधानी अपनाउदै बजार खुल्ला गर्न उद्योग व्यापारीको माग वढदै गएपनि स्वास्थ्यका मापदण्ड भने अनिवार्य रुपमा पालन गर्न प्रशासनले निर्देशन गरेको छ ।
Copyright © 2020 / 2025 - Chhalkhabar.com All rights reserved
Website By : Hash Tech Logic
