ब्राउनसुगरसहित एग्रोभेट संचालक पक्राउ

छाल खवर
धरान,२७ भदौ ः झापाको बिर्तामोडबाट एक जनालाई व्राउन सुगर सहित प्रहरीले पक्राउ गरेको छ ।

पक्राउ पर्नेमा विर्तामोड नगरपालिका ३ का गोपाल गौतम रहेको प्रहरीले जनाएको छ ।

प्रहरीका अनुसार गौतमले संचालन गरेको गोपाल एग्रोभेटमा लागुऔषध ब्राउन सुगरको कारोवार हुने गरेको गोप्य सुचनाको आधारमा प्रहरीले शुक्रवार दिउँसो ४ बजे छापा मारेको थियो ।

ब्राउनसुगर बरामद भएसंगै एग्रोभेट संचालक ३० बर्षीय गोपाल गौतमलाई प्रहरीले नियन्त्रणमा लिएर थप अनुसन्धान भईरहेको ईलाका प्रहरी कार्यालय अनारमनीले जनाएको छ ।

ईलाका प्रहरी कार्यालय अनारमनीबाट खटिएको प्रहरी टोलीले एग्रोभेटबाट २२ ग्राम ब्राउनसुगर बरामद गरेको थियो ।

पछिल्लो समय एग्रोभेट र कतिपय मेडिकलहरुबाट लागू औषध विक्रि हुने गरेको पाईएको प्रहरीको भनाई रहेको छ । पूर्वका विभिन्न शहरका मेडिकलहरुमा लागू औषध विक्रि गरेको पाईएको छ