आजको मन्त्री परिषद वैठकमा वामदेव र कुलमानबारे निर्णय हुने

छाल खवर

काठमाडौ,२९ भदौ ः आजको मन्त्री परिषद वैठकबाट सर्वाधिक चर्चामा रहेका नेपाल विद्युत प्राधिकरणका कार्यकारी निर्देशक कुलमान घिसिङ र नेपाल कम्युनिष्ट पार्टीिका उपाध्यक्ष वामदेव गौतमलाई राष्टिय सभामा लैजाने विषयमा निर्णय गर्ने वुझिएको छ ।

गौतमलाई राष्ट्रिय सभामा लैजाने यस अघि नै नेकपा केन्द्रीय समितिले सिफारी गरीसकेको छ ।

प्रधानमन्त्री केपी शर्मा ओलीले सोमबार (आज) साँझ ५ बजे बालुवाटारमा मन्त्रिपरिषद बैठक बोलाएका छन्।

बैठकमा वामदेव गौतमलाई राष्ट्रियसभा सदस्यमा नियुक्तिका लागि सिफारिस र कुलमान घिसिङलाई विद्युत् प्राधिकरणमा नियुक्त गर्ने संभावना रहेको एक मन्त्रीको भनाई रहेको छ ।

कुलमान घिसिङ दोस्रो कार्यकालका लागि विद्युत् प्राधिकरणको प्रमुख कार्यकारी अधिकृत बनाउने प्रस्ताव ऊर्जा मन्त्रालयले लैजाने तयारी गरेको छ।

घिसिङ चार वर्षे कार्यकाल पूरा गरेर आइतबार प्राधिकरणबाट बिदा भएका छन्। दुवै नियुक्तिबारे प्रधानमन्त्री ओली व्यक्तिगत रुपमा इच्छुक नभएपनि पार्टी निर्णय र दबाबका कारण बाध्य हुने संभावना रहेका छन्।

बामदेवलाई राष्ट्रिय सभामा लैजाने विषयमा देशभर विरोध भएपनि कुलमानलाई पुन दोहो¥याउनु पर्ने विषयमा मुलुकभर तथा सामाजिक सञ्जालमा दवाव परेको थियो ।

गौतमको विरोध र कुलमानको समर्थनको वावजुद सरकारले दुवैको पक्षमा निर्णय गर्ने स्रोतको दावी रहेको छ ।