छाल खवर
धरान,१ असोज ः लकडाउका कारण विगत ६ महिना देखि वन्द रहेको सार्वजनिक यातायात आज (विहिवार)बाट मुलुकभर सञ्चालनमा आएको छ ।
सोमवारको मन्त्री परिषद वैठकले असोज १ गतेदेखि सार्वजनिक यातायात सञ्चालन गर्ने निर्णय गरेसंगै सार्वजनिक यातायात सञ्चालनमा आएको हो ।
मन्त्रिपरिषद्को सोमबारको बैठकले सबै प्रकारका सार्वजनिक यातायात असोज १ गते देखि खुला गर्ने निर्णय गरेसँगै लामो, मध्यम तथा छोटो दूरीका सबै खाले सार्वजनिक गाडी सञ्चालनमा आएका हुन् ।
असोज १ गते विश्वकर्मा पुजा समेत भएकाले ग्यारेज तथा गाडीमा विश्वकर्मा पूजा गरेर गाडी सञ्चालनमा आएका छन् ।
नेपाल यातायात व्यवसायी राष्ट्रिय महासंघका वरिष्ठ उपाध्यक्ष दीपक अधिकारीका अनुसार लामो दूरीको गाडी भने आवश्यक मर्मतसम्भार र चेकजाँचपछि मात्रै सञ्चालनमा आउने भएकाछन् ।सवारी साधनमा सिट क्षमताको आधा मात्रै यात्रु रहनु पर्ने व्यवस्था गरिएको छ । त्यसबापत व्यवसायीलाई सामान्य अवस्थाको तुलनामा बढी भाडा लिन पाउने अनुमति दिइएको छ ।
यातायात व्यवसायीले पनि गाडीलाई स्यानिटाइज गर्नुपर्ने तथा ढोकामा नै स्यानिटाइजरको व्यवस्था गर्नुपर्ने नियम लगाइएको छ ।
यातायात व्यवसायी र चालक महासङ्घ सम्मिलित संयुक्त कार्यदलले पनि विज्ञप्ति जारी गर्दै सबै चालक, सहचालक र यात्रुलाई सवारीसाधनमा आवश्यक स्वास्थ्य सुरक्षा अपनाउन अनुरोध गरेको छ ।
चालक, सहचालकले मास्क, पञ्जा, सेनेटाइजर र सहचालकले फेस भाइजरको प्रयोग अनिवार्य रुपमा गर्न भनिएको छ ।
कोरोना भाइरसको माहामारीका कारण गत चैत ११ गतेदेखि मुुलुकभर सरकारले लकडाउन घोषणा गरेको थियो ।
Copyright © 2020 / 2025 - Chhalkhabar.com All rights reserved
Website By : Hash Tech Logic
