लकडाउनले समस्यामा परेकी महिलालाई ४ वटा बाख्रा सहयोग लकडाउनको पीडा

छाल खवर
धरान,५ असोज ः लकडाउनका कारण खान वस्न नै समस्या भोगीरहेकी एक महिलालाई विभिन्न सहयोगी मनहरुले सहयोग गर्न थालेकाछन् ।

उच्च रक्तचाप तथा मधुमेहबाट ग्रसित धरान ५ कि ५७ वर्षीय आसा राईलाई सहयोगी मनहरुले सहयोग गर्न थालेका हुन् ।

धरान ५ देउराली निवासी ५७ वर्षीया आशा राईको एउटा घुँडा समेत चल्दैन । अनेक दुःख जिलो गरेर जीवन यापन गर्दै आएकी उनले पहिला जसोतसो जीवन चलाएकी थिइन तर लकडाउन पछि खान बस्न नै गाह्रो भएकोले सहयोगको अपिल गरेकी थिइन् ।

जीविकोपार्जनमा समस्या भएकोले उनलाई तत्काल केही खानेकुराको व्यवस्था भएकोले गरीखानको लागि स्रोत जुटाई दिने उदेश्यले नेपाली कांग्रेस धरान नगर सचिव युवराज शङ्करको पहलमा नेपाली कांग्रेस सम्बद्ध युवा संगठन तरुण दल क्षेत्र नं १ का उपसभापती तथा विश्वकर्मा यूवा समाज धरानका सल्लाहकार मिलन शंकरले १४ हजार बराबरको ४ वटा बाख्रा सहयोग गरेका छन् ।

मिलन शंकरले आफ्ना नजिकका साथी र आफुले व्यक्तिगत रूपमा सहयोग जुटाए राईलाई सहयोग गरेको वताएकाछन् ।

राईलाई उनले यसअघि पनि ब्यक्तिगत जीविकोपार्जनका लागि ६ हजार रुपैयाँ सहयोग गरेका थिए ।

बाख्रा पालेर सोही क्षेत्रको आम्दानीले गुजारा चलाउदै आएकी आशाले लामो समयको लकडाउनका कारण बाख्रा बेचेर जिविको पार्जन गर्दै आएकी थिइन् ।

गरीखाने स्रोतको रुपमा पूजीको रुपमा वाख्रा किनेर दिएको मिलनको भनाई रहेको छ । उनले यसबाट उनलाई गरीखाने र आम्दानीको स्रोतको लागि वाख्रा किनेर आम्दानी गर्न सहजताका लागि यस्ता खाले सहयोग गरेको मिलनले उल्लेख गरेकाछन् ।

श्रीमानको १४ वर्ष पहिले नै निधन भएको थियो । एक छोराको पनि २ वर्ष अगाडि मृत्यु भएपछि उनि एक्लै देउरालीमा भाडामा बस्दै आएकी थिइन् ।

भाडा तिर्न नसकेपछि घरवालाले ३ महिनाको भाडा छुट गरि निकाली दिएपछि उनी विवाहित छोरीकोमा सहारा लिएर बसेकी छन् ।

छोरीको पनि वस्नको लागि समस्या भएपछि उनले सहयोगको लागि अपिल गरेकी थिइन । उनलाई सहयोग लागी धरान ७ निवासी रीता राईले पहल गर्दै आएकी छन् ।

आसा राई त समाजको एक प्रतिनिधि पात्र मात्र हुन । उनी जस्तै थुप्रैलाई यस्तै समस्या नित्याउदै आएको छ ।