पहिरोले विस्थापित परिवारलाई भेट्न पुगे सांसद आचार्य, घर बनाइदिन सरकारसँग पहल गर्ने

छाल खवर
धरान,११ असोज ः धरान उपमहानगरपालिका वडा नं. २०का पहिरोबाट विस्तापित परिवारको अवस्था वुझ्न आइतवार प्रदेश सांसद तथा नेकपा नेता भीम आचार्यले स्थलगत निरीक्षण गरेकाछन् ।

विस्थापित ७ घर परिवारलाई भेट गर्नुका साथै उनीहरुको वर्तमान अवस्थाको वारेमा जानकारी लिएका थिए ।

सो क्षेत्र आचार्यको निर्वाचन क्षेत्र सुनसरी क्षेत्र नं १ ख मा पर्छ । आचार्य प्रदेश सांसदका साथै नेकपा प्रदेश १ कमिटि इञ्चार्ज तथा स्थायी कमिटि सदस्य पनि हुन् ।

आचार्यलाई विस्थापित परिवाहरुले शौचालयको व्यवस्था गरीदिन र खानेपानीको व्यवस्था गरीदिन र स्थायी वसोवासको व्यवस्था मिलाई दिन आग्रह गरेका थिए ।

आचार्यले उचित स्थानको खोजी गर्न वडाध्यक्ष मणिकुमार राईलाई निर्देशन दिएका थिए । उनले तपाईहरु घर वसोवासका लागि ठाउ खोज्नुस घर निर्माणका लागि हामी पहल गछौं भन्ने आस्वासन दिएका थिए ।

सांसद तथा नेता आचार्यले खानेपानी र शौचालयको पनि चाडै व्यवस्था गरिदिने आश्वासन दिएका छन् । खाद्यान्न पनि राहत लिएर आउने बताएका थिए ।

जग्गा व्यवस्था भएपछि सरकारसँग घर बनाउन आवश्यक पहल गर्ने पनि आचार्यले प्रतिवद्धता जनाएका थिए ।आचार्यले पहिरोले पु¥याएको क्षति र विस्थापित परिवारको गास वासको अवस्थाका बारेमा स्थलगतरुपमा गएर बुझ्नु भएको नेकपा धरान उपमहानगर कमिटि अध्यक्ष नारायण सुवेदीले जानकारी दिए ।

केहीदिन अघि देखि परेको भारी वर्षाका कारण एक साताअघि विष्णुपादुकाको आँपटार क्षेत्रमा पहिरोसँगै जमिन चिरा परेर ७ घर पुर्णरुपमा विस्थापित वनेका थिए ।

उनीहरुलाई तत्कालका लागि नम्वरी जग्गामा ३ महिनाका लागि वस्नको लागि टेन्ट टागेर राखीएको छ ।

आचार्यसँगै प्रदेश सांसद उमिता वराइली, नेकपाका नेताहरु मुक्साहांङ मेन्यांबो, अइन्द्र बेघा, प्रकाश राई,चोत्लुंग, नगर सदस्य राजमणि निरौला लगायतमा पुगेका थिए ।

उनीहरुलाई विभिन्न संघ संस्थाहरुले खाद्यान्न सहयोग गर्दै आएकाछन् ।