धरान राउण्ड टेवल २६मा आशिष अग्रवाल

छाल खवर
धरान,१३ असोज ःराउण्ड टेवल नेपाल अन्र्तगतको धरान राउण्ड टेवल २६ को तेस्रो साधारण सभाले आशिष अग्रवालको अध्यक्षतामा नयाँ कार्यसमिति चयन गरेको छ ।

सोमवार होटल गजुर प्यालेसमा भएको तेस्रो साधारण सभाले नया कार्यसमिति चयन गरेको हो ।

समितिको उपाध्यक्ष,सचिव र कोषाध्यक्षमा क्रमस कृष्णकुमार अटल,अग्रिम खेतान,शेङ्की अग्रवाल चयन भएकाछन् ।समितिमा जम्मा १८ जना सदस्य रहेकाछन् ।समितिले शिक्षा क्षेत्रमा कार्य गर्दै आएको छ ।

निवर्तमान अध्यक्ष लक्ष्मीकान्त वियानी (एलके)का अनुसार संस्थाले दुर्गम क्षेत्रमा रहेका सरकारी विद्यालयहरुमा आर्थिक भौतिक सहयोग गर्दै आएको छ ।

संस्थाले विगत ३ वर्षदेखि धरान १७ को सम्यक शिक्षा आधारभूत विद्यालय,धरान–१ को सरस्वति आधारभूत विद्यालय र धरान– ११ को अनन्त शिक्षा ज्योति आधारभूत विद्यालयलाई सहयोग गर्दै आएको छ ।

संस्थाले विद्यार्थीलाई विद्यालयमा आर्कषित गर्ने वातावरण वनाउन भूमिका खेल्दै आएको छ । यस पटक अनन्त शिक्षा ज्योतिमा जिर्ण भएका संरचना निर्माण र शौचालय निर्माण गरेको निवर्तमान अध्यक्ष लक्ष्मीकान्त वियानी (एलके)ले जानकारी दिए ।

पढाईका साथै अतिरिक्त क्रियाकलापहरुमा समेत सहयोग गर्दै आएको वियानीको भनाई रहेको छ ।