पहिरो पीडितलाई प्रदेश सांसदको खाद्यन्न सहयोग

छाल खवर
धरान,१६ असोज ः प्रदेश संसद उमिता वराईलीले धरान–२० का पहिरो पीडितलाई खाद्यन्न सहयोग गरेकीछन् ।

संसद वराइलीले पहिरो पीडित ७ घर परिवारलाई १ वोरा चामल,नुन तेल र ओछ्याउने म्याट वितरण गरेकी थिइन् ।

राहत वितरण पश्चात संसद बराइलीले पीडित परिवारलाई स्थायी बसोवासका लागी स्थानीय सरकार,प्रदेश सरकार र संघीय सरकारमा पहल गर्ने प्रतिवद्धता व्यक्त गरेकीथिइन् ।

पीडितहरुका लागि विदेशमा रहेकी चन्द्रकला कोयी राईले इजरायलबाट पठाएको १० हजार रुपैया प्रतिघर ११सय रुपैयाका दरले वितरण गरीएको थियो ।

नेपाल कम्युनिष्ट पार्टी (नेकपा)का धरान उपमहानगर अध्यक्ष नारायण सुवेदीले पीडित परिवारको स्थायी वसोवासका लागि पार्टीले राज्यका सवै निकायमा पहल गर्ने प्रतिवद्धता व्यक्त गरेका थिए ।

कार्यक्रममा नेकपाका जिल्ला सदस्य तथा धरान नगर इन्चार्ज फोक्वाहाङ मेन्याङ्वो (चोत्लुङ) जिल्ला सदस्य तथा धरान नगर सह इन्चार्ज पदम इस्वो,जिल्ला सदस्य तथा २० नं वडाध्यक्ष मणिराम राई तथा नगर सदस्य राजमणि निरौला, १६ नं. वडा सदस्य हिरादेवी राई,११ नं वडा सदस्य किरण राई,हात्तिसार क्याम्पस धरानका स्ववियू सभापति सौरव सन्जेल लगायतको उपस्थिति रहेको थियो ।