युवा संघको रक्तदानमा ७२ पिन्ट रगत संकलन

छाल खवर
धरान,१७ असोज ः नेपाल कम्युनिष्ट पार्टी (नेकपा)को भातृ संगठन राष्ट्रिय युवा संघ नेपाल धरान– ७ को आयोजनामा रक्तदान कार्यक्रम सम्पन्न भएको छ ।

स्थानीय पानमार वसपार्कमा शनिवार आयोजना गरीएको सो रक्तदान कार्यक्रममा ७२ पिन्ट रगत संकलन भएको संघले जनाएको छ ।

कोविडको महामारीको समयमा कुनैपनि विरामीले रगतको अभावमा अकालमा ज्यान गुमाउन नपरोस भन्ने उदेृश्यले रक्तदान कार्यक्रमको आयोजना गरीएको कार्यक्रम संयोजक तथा राष्ट्रिय युवा संघ नेपाल ७ नं वडा कमिटी अध्यक्ष भरत श्रेष्ठले वताए ।

संघले कोविडको समयमा विपन्न परिवारका लागि नियमित रुपमा खाद्यान्न समेत वितरण गरेको थियो ।

आगामी दिनहरुमा पनि यस्ता मानवीय सेवा र सामाजिक सेवाका कार्यहरु गर्दै जाने श्रेष्ठको भनाई रहेको छ ।

उक्त कार्यक्रममा ७ नं. वडाध्यक्ष जीवन सुवेदी,नेकपा ७ नं वडा कमिटी अध्यक्ष धनबहादुर कन्दङवा, नेकपा सुनसरी जिल्ला सदस्य एबम राष्ट्रिय युवा संघ नेपालका केन्द्रिय सदस्य एबम सुनसरी इन्चार्क्ज क देवानन्द मेहताको प्रमुख अतिथ्यमा भएको सो कार्यक्रममा राष्ट्रिय युवा संघ नेपालका केन्द्रिय सदस्य एबम सुनसरी सह इन्चार्ज हरि लिम्बु,नेकपा धरान नगर कमिटी सदस्य ठाकुर कार्की लगाएको उपस्थिति रहेको थियो ।