धरान ५ मा हाम्रो युवा समाजद्धारा राहत वितरण

छाल खवर
धरान ६ कार्तिक ः धरान ५ स्थित हाम्रो युवा समाजले विपन्न, अपांग, ज्येष्ठ नागरिक तथा एकल महिलाहरुलाई राहत वितरण गरेको छ ।

कोरोना महामारीले गर्दा समस्या परेकाहरुलाई समाजले राहत वितरण गरेको हो ।

समाजका अध्यक्ष दिपक घिसिङले कोरोना महामारीले गर्दा परिवारमा गुजारा चलाउनै समस्या भइरहेको परिवारलाई राहत विरतण गरिएको वताए ।

उनले धरान र विदेशमा रहेकाहरुबाट सहयोग जुटाएर करिब १ लाख बराबरको राहत विरतण गरिएको जानकारी दिए ।

सो कार्यक्रममा सुनसरी क्षेत्र नं १ का संघीय सांसद जयकुमार राई, प्रदेश सांसद उमिता बराइली सहभागी रहेकी थिइन ।

कार्यक्रमका प्रमुख अतिथि समेत रहेका सांसद राईले राज्यले गर्नुपर्ने राहत वितरण गरेर समाजका युवाहरुले गरेर उदाहरणीय कार्य गरेको बताए ।

समाजले देवीगाउँ र निशानेका ११ घर परिवारलाई राहत वितरण गरेको छ भने साउने र खैरेनीका ८ परिवार छन् ।

अध्यक्ष घिसिड.का अनुसार झरना चोक, माथिल्लो देउराली, तल्लो देउराली र बीच देउरालीका बासिन्दाहरुलाई पनि राहत वितरण गरिएको छ ।

प्रत्येक परिवारलई २० किलोको एक बोरा चामल र १ पोका तेल वितरण गरिएको थियो ।