नेपाली कांग्रेसका नेता जुवाखालबाट पक्राउ

छाल खवर
धरान,१६ कार्तिक ः नेपाली कांग्रेस स्थानीय नेता जुवाखाल जुवाखेलीरहेको अवस्थामा रंगेहात पक्राउ परेकाछन् ।

मोरङको केराबारी ६ मा सञ्चालित आफ्नै कालिज फर्मबाट जुवा खेलिरहेको अवस्थामा धरान ६ का भुपेन्द्र भट्टराई पक्राउ परेका हुन् ।

भट्टराई सहित ५ जना नगद सहित पक्राउ परेको प्रहरीले जनाएको छ ।

प्रदेश र जिल्ला प्रहरी कार्यालय मोरङको बिशेष टोलीले जुवा खेलिरहेको अवस्थामा उनीहरुलाई नगद सहित पक्राउ गरेको हो ।

पक्राउ पर्नेमा अरुण केसी, शैलेज भुजेल, हरि खत्री र बोधराज मगर रहेको प्रहरी स्रोतको भनाई छ । मगर केराबारी ६ का हुन् भने अरु धरानका हुन् ।

उनीहरुको साथबाट ८ लाख भन्दा बढी नगद पनि वरामद भएको मोरङ प्रहरीले जनाएको छ ।

भट्टराई धरान –६ बाट नेपाली कांग्रेसबाट वडाध्यक्षका उम्मेद्वार वनेका थिए । निर्वाचनमा पराजित भएपछि उनी कोरावारीमा गएर कालिज फार्म सञ्चालन गर्दै आएकाछन् ।

मोरङ प्रहरी प्रवक्ता एवं डिएसपी मानबहादुर राईले केराबारीबाट जुवाडेहरु पक्राउ परेको पुष्टि गरेकाछन् ।