काङ्ग्रेस नेता मीन बिश्वकर्माको होस पनि खुल्यो,कोरोना रिपोर्ट नेगेटिभ

छाल खवर
धरान,१७ कार्तिक ः नेपाली कांग्रेसका नेता तथा संसद मिन विश्वकर्माको स्वास्थ्यमा सुधार आएको छ ।

काठमाडौको ग्राण्डि अस्पतालको भेण्टिलेटरमा उपचाररत बिश्वकर्माको स्वास्थ्यमा मंगलवार देखि क्रमश सुधार आएको अस्पतालले जनाएको छ ।

उनलाई गत कार्तिक ०१ गते कोरोना संक्रमण देखिनुका साथै कोरोना र निमोनियाका कारणले उनको फोक्सोले राम्रो सँग काम गरेको थिएन।

बिश्वकर्माका सहयोगी आकाश उप्रेतीका अनुसार मंगलवारगरिएको कोरोना परिक्षणमा उनको रिपोर्ट नेगेटिभ आएको छ। डाक्टरलाई उद्धृत गर्दै उप्रेतीले दिएको जानकारी अनुसार विश्वकर्माको होस पनि खुलेको छ ।उनको ६ दिन देखि होस थिएन ।

फोक्सोले पनि काम गर्न थालेको जानकारी चिकित्सकहरुले दिएका छन् ।उनको खतरापूर्ण अबस्था नरहेको चिकित्सकहरुले बताएकाछन् ।

उनलाई थप उपचारका लागि भारत लैजान उनको पार्टी नेपाली कांग्रेसले सरकारसमक्ष माग समेत गरेका थियो ।