उदयपुरमा बम विस्फोट, सौर्य सिमेन्ट उद्योगलाई क्षती

छाल खवर
धरान,१९ मंिसर ःउदयपुरको कटारीमा गएराती ४ वटा बम विस्फोट भएको छ ।

अज्ञात समुहले कटारी नगरपालिकाको वडा नं. ८ भन्टाबारी स्थित सौर्य सिमेन्टको चुनढुङ्गा खानीमा बम विस्फोट गराएको हो ।

खानी क्षेत्रको एकै ठाउमा ४ वटा बम विस्फोट गराएको उदयपुर प्रहरीले जनाएको छ ।

मध्येराती एक्कासी ठुलो आवाजमा बम विस्फोटनको आवाज गाउलेहरुले सुनेका थिए । आतंकित हुदै भागदौड चल्दा चारजना सर्वसाधारण सामान्य घाईते भएका छन् ।

घाइतेहुनेहरुमा कटारी नपा–७ का अन्दाजी २३ वर्षिय नवीन मगर, २४ वर्षिय बिस्णुबहादुर मगर, उदयपुरगढी गा।पा।(२ का २७ वर्षिय दुर्गाबहादुर तामाङ र मकवानपुर जिल्लाको भिमफेदि गापा।(९ का ३० वर्षिय सागर मोक्तान रहेका छन् ।

उनीहरु सबैको खुट्टामा सामान्य चोट लागेको छ । घाईतेहरु उद्योगकै कामदार रहेको बुझिएको छ ।

जिल्ला प्रहरी प्रमुख एसपी भिमबहादुर दाहालका अनुसार बम विस्फोटबाट भौतिक क्षति छ, मानवीय क्षति भने भएको छैन । भागदौडमा घाइतेहरुको कटारि अस्पतालमा उपचार भएको छ ।

प्राप्त जानकारी अनुसार राती तीनरचार जनाको समुहमा आएका अपरिचित व्यक्तिहरुले त्यहाँ रहेका कामदारहरुलाई हप्काउदै बम विस्फोट गराएका थिए ।सुतिरहेका कामदारहरु हप्किदप्कि पछि भागेका थिए ।

अज्ञात समुहले एक मोटर साईकल र एक स्काईभेटरमा पेट्रोल खन्याई आगजनिसमेत गरेका छन् । आगजनिबाट मोटरसाईकल पूर्ण क्षति भएको छ भने स्काईभेटरको क्याविनमा क्षति भएको छ ।

घटनास्थलमा ईलाका प्रहरी कार्यालय कटारी र सशस्त्र प्रहरी बेस कटारीकाट गएको सुरक्षाटोलीले घाइतेहरुलाई उपचारको लागि अस्पताल पठाएका थिए भने बम बनाउन प्रयोग गरिएका टेप, प्लाष्टिकहरु फेला पारेका थिए ।

बिस्फोट र आगोलागीबाट अन्दाजी मूल्य रु १५ लाख बराबरको क्षति भएको प्रारम्भिक अनुमान छ ।

घट्ना कुन समुहले घटाएको भन्ने खुल्न नसकेको, खोजी तलासी कार्य भइरहेको प्रहरीले जनाएको छ । घटनाको सम्बन्धमा थप अनुसन्धान भइरहेको प्रहरी प्रमुख एस.पि. दाहालले जानकरी दिएकाछन् ।