सगरमाथाको उचाइ बढ्यो

छाल खवर
धरान,२४ मंसिर ः नेपाल र चीनद्वारा संयुक्तरुपमा सगरमाथाको नयाँ उचाइको घोषणा गरेका छन् । पुरानो उचाइमा ८६ सेन्टिमिटर बढि रहेको छ ।

मंगलबार नापी विभागमा परराष्ट्र मन्त्री प्रदीपकुमार ज्ञवाली र चीनमा चिनियाँ विदेश मन्त्री वाङ यीले भर्चुअल रूपमा नयाँ उचाइ सार्वजनिक गररेका छन् ।

नयाँ सार्वजनिक भएको विश्वको सर्वोच्च शिखर सगरमाथाको नयाँ उचाइ ८ हजार ८ सय ४८ मिटर ८६ सेन्टिमिटर रहेको छ ।

यस अघि भारतको सर्भे अफ इन्डियाले सन् १९५४ मा बिहारबाटै गरेको मापनमा सगरमाथाको उचाइ ८ हजार ८ सय ४८ मिटर देखिएको थियो । जसमा हालको उचाईमा ८६ सेन्टिमिटर बढेको हो ।

विनाशकारी भूकम्पका कारण देशका उत्तरी भूभागमाको उचाइमा घटेको हुनसक्ने नापी विभागको अध्ययनले देखाएको देखाएपछि सगरमाथाको उचाइ का विषयमा पनि चर्चा चलेको थियो ।

नेपाल सरकार र चीन सरकारी टोलीद्वारा गरिएको छुट्टाछुट्टै मापनको प्रतिवेदन दुवैतर्फका प्राविधिकलाई बुझाइएको थियो ।

गत वर्ष चिनियाँ राष्ट्रपति सी चिनफिङको नेपाल भ्रमणका क्रममा चीनले संयुक्त रुपमा सगरमाथाको उचाइ घोषणा गर्न सहमति जनाएको थियो ।