यातायात अवरुद्ध गरेको आरोपमा युवाका धरान सहसंयोजक पक्राउ आम हडतालका कारण धरान बजार ठप्प ,

छाल खवर
धरान,२२ माघ ः सरकारले गैरकानुनी ढंगले गरेको संवैधानिक निकायको नियुक्तीको विरोधमा नेपाल कम्युनिष्ट पार्टी (नेकपा)ले विहिवार) गरेको आम हडतालका क्रममा तोडफोड गरेको आरोपमा धरान प्रहरीले २ जना आन्दोलनकारीलाई पक्राउ गरेको छ ।

पक्राउ पर्नेमा युवा संघका धरान नगर सहसंयोजक विजय लामा तामाङ र वन्दकर्ता खडग बहादुर पौडेल रहेको प्रहरीले जनाएको छ ।

बन्दकर्ताले टेम्पो रोकेर अभद्र व्यवहार गरेको आरोपमा मजदुरहरु आक्रोशित वनेका थिए ।

यातायात अवरुद्ध गरेको आरोपमा उनीहरुलाई पक्राउ गरीएको इलाका प्रहरी कार्यालय धरानका डिएसपी ज्ञानेन्द्र वस्नेतले जानकारी दिएका छन् ।

घटनाको घोर भत्सना गर्दै पक्राउ परेका आफ्ना कार्यकर्तालाई विना शर्त रिहा गर्न संघर्ष समितिका धरान संयोजक चोत्लुङले माग गरेकाछन् ।

वन्दका कारण धरानबाट चल्ने यातायात सञ्चालन हुन सकेन ।

तस्विरहरु ः दिपक दुमी राई