धरान उपमहानगरको नगर सभा स्थगित

छाल खवर
धरान,१० फागुन ःखानेपानीको समस्या समाधान भएपछि मात्र नगर परिषद हुनुपर्ने माग वडाध्यक्षहरुले गरेपछि धरानको आठौ नगर परिषद उद्घाटन गरेपछि फागुन २१ गतेसम्मका लागि स्थगित भएको छ ।

निर्धारित समय भन्दा करिव तीन घण्टापछि शुरु भएपनि औपचारीक कार्यक्रम पश्चात फागुन २१ फेरी बस्ने गरी स्थगित भएको हो ।

खानेपानी संस्थानले हिजो मात्र विज्ञप्ति प्रकाशन गरी खानेपानी वितरण सहज रुपमा गर्न नसक्ने जनाएपछि नगर सभा अगावै संस्थानलाई खानेपानी वोर्डमा ल्याउनु पर्ने माग सहित केही वडाध्क्ष र अन्य जनप्रतिनिधिले नाराबाजी समेत गरेका थिए ।

खानेपानी वोर्डका अध्यक्ष समेत रहेका धरानका नगरप्रमुख तिलक राईले फागुन २१ गते अगावै संस्थानलाई वोर्डमा ल्याउने र खानेपानी समस्यालाई सहज वनाउने लिखित प्रतिवद्धता जनाएपछि नगर परिषद शुरु भएको थियो ।

मेयर राईले फागुन २१ गते भन्दा अघि नै खानेपानी संस्थान बोर्डमा गाभ्ने र पानी एकद्धार प्रणालीबाट सहजरुपमा वितरण गर्ने प्रतिबद्धता जनाएकाछन् ।

नगर सभाको उद्घाटन प्रदेश १ का सभामुख प्रदीप भण्डारीले गरेका थिए । सभामुख भण्डारीले सम्बोधन गरेपछि नगर सभा फागुन २१ गतेसम्मको लागि स्थगित भएको हो ।

नगर परिषद फागुन २१ गते वस्ने भएको छ । फागुन २१ अगाडी समस्या समाधान नभए सो दिन पनि परिषद हुन नदिने वडा नं १६ का वडाध्यक्ष दिलकुमार गिरीले जानकारी दिएकाछन् ।

उनले लिखित प्रतिवद्धत कार्यान्वयन भएन भने हामी फेरी पनि परिषद हुन दिदैनौं ।