अन्तरजातीय विवाह गर्ने जोडीहरु सम्मानीत

छाल खवर
धरान,१५ चैत ःजातीय विभेदको अन्त्य गर्दै समाजमा चेतनाको विकास गर्ने उदेश्यले दलित विकास समिति धरानले २ जना दलित अगुवासहित अन्तरजातीय विवाह गर्ने जोडीलाई सम्मान गरेको छ ।

समाज विद्यमान जातीय विभेदलाई अन्त्य गर्नको लागि चेतनाको लागि यो अभियानलाई गर्दै अन्तरजातीय विवाह गर्ने जोडीलाई सम्मान गरीएको हो ।

दलित समुदायको हितमा काम गर्दै आएका पूर्व वाणिज्य मन्त्री मिनबहादुर विश्वकर्मा र नरमाया परियारलाई दलित अगुवा स्मृति समाज सुधार सम्मान गरिएको थियो ।

उनीहरुलाई १० हजार ५ सय रुपैया नगदसहित सम्मान पत्रले सम्मान गरीएको विकास समितिका संयोजक किशोर परियारले जानकारी दिए ।

सोही कार्यक्रममा अन्तरजातीय विवाह गर्ने १० जोडीहरु सम्मानीत भएका छन् ।

अन्तर जातीय विवाह गर्ने जोडीहरुमा पूर्व मन्त्री प्रतिनिधि सभा सदस्य मिनबहादुर विश्वकर्मा र निरु पौडेल, बिनोद दर्नाल र पवित्रा श्रेष्ठ, टङ्कबहादुर विश्वकर्मा र शारदा मास्के, गोबिन्द विक र पुर्णकला राई, धर्मराज परियार र गौरी श्रेष्ठ, जयन्ती लिम्बू र बमबहादुर विक, राम कुमार दास र आशा लिम्बू सम्मानीत भएको विकास समितिका सदस्य सचिव तारा लामगादेले जानकारी दिएकाछन् ।

दलित विकास समितिले यस अघि पनि विभिन्न जनचेतनामूलक कार्यक्रमहरु गर्दै आएको छ ।