पत्रकार महासंघ सुनसरीको पदस्थापन सम्पन्न

छाल खवर
धरान,४ वैशाख ः नेपाल पत्रकार महासङ्घ सुनसरी शाखाको नयाँ कार्यसमितिको पदस्थापन कार्यक्रम शुक्रवार सम्पन्न भएको छ ।

महासंघको ११ औँ पदस्थापन कार्यक्रम इटहरीको दुर्गा पार्टी प्यालेसमा सम्पन्न भएको हो ।

चैत २५ गते सम्पन्न निर्वाचनमा निर्वाचित पदाधिकारीहरुलाई पदस्थापन गराइएको हो ।

नवनिर्वाचित अध्यक्ष जनकऋषि राई अध्यक्ष रहेको प्यानल नै निर्वाचित भएको थियो ।

निवर्तमान अध्यक्ष अमर खड्काले राईलाई पदहस्तान्तरण गरेका थिए ।आगामी ३ वर्षको लागी राईको नेतृत्वको समितिले कार्यभार सम्हालेको हो ।

कार्यभार सम्हालेसँगै नवनिर्वाचित अध्यक्ष राईले पत्रकारिता पेशाको मर्यादाका सँगै श्रमजीवीको पक्षमा वकालत गर्ने बताए ।

पत्रकारका निम्ति आफूले जस्तोसुकै काम गर्न पनि पछि नहट्ने राईको भनाइ थियो ।प्रदेश १ का सभामुख प्रदीप भण्डारीको प्रमुख आतिथ्यतामा कार्यक्रम भएको थियो ।