महासंघ सुनसरीको तीन महत्त्वपूर्ण निर्णय

छाल खवर
धरान,२५ वैशाख ः नेपाल पत्रकार महासंघ सुुनसरीले तीन वटा महत्वपूर्ण निर्णय गरेकोछ ।

आज भएको भर्चुअल (जुम) मार्फत भएको बैठकले जिल्लाका पत्रकारको हितमा तीन महत्त्वपूर्ण निर्णय गरेको हो ।

वैठकले जिल्लामा कार्यरत पत्रकार कोरोना संक्रमित भएमा उद्धार गर्नलाई सहजीकरण गर्ने समिति निर्णय गरेको छ ।

सो कार्यका लागि अध्यक्ष जनकऋषि राईको संयोजकत्वमा सह–सचिव भोला श्रेष्ठ, सदस्य वीरेन्द्र साह, आरबी कट्वाल, सुुस्मिता राई र सुुबिन बिश्वकर्मा सदस्य रहेको उद्धार तथा सहजीकरण समिति निर्माण गरेको हो ।

त्यस्तै, बैठकले उपाध्यक्ष गणेश निरौलाको संयोजकत्वमा कोषाध्यक्ष अजित झा, सदस्यहरु विवेक विवश रेग्मी, संगम बिष्ट र देबिका चाम्लिङ सदस्य रहनेगरी जिल्लाका पत्रकारलाई फेलोसिप तथा संचारगृहलाई सहयोग सहजीकरण समिति निर्माण गरीएको अध्यक्ष जनकऋषि राइले जानकारी दिएकाछन् ।

त्यसैगरी सचिव ध्रुुव ढकालको संयोजकत्वमा जिल्लामा भएका पत्रकारहरुको अवस्था तथ्याङ्क संकलन समिति निर्माण भएको छ ।

बैठकमा महासंघ सुुनसरीका सल्लाहाकार सन्तोष काफ्ले, पूूर्व अध्यक्ष राजेश बिद्रोही, आनन्द श्रेष्ठ, कृष्ण अधिकारी र निवर्तमान अध्यक्ष तथा केन्द्रिय सदस्य अमर खड्काले पत्रकारहरुको अवस्था बुझेर आवश्यक सहयोग उपलब्ध गराउन सुझाव दिएका थिए ।

उनीहरूले अहिलेको समयमा संचारकर्मीहरुलाई परेको समस्या समाधानमा महासंघ लाग्नुुपर्नेमा जोड दिएका थिए ।

सचिव ध्रुव ढकालका अनुसार जिल्लाभरीका विभिन्न स्थानीय तहसँग समन्वय गरी पत्रकारहरुको लागि आइसोलेसन निर्माण गर्ने विषयमा समेत छलफल भएको थियो ।