धरानमा लकडाउनमा कडाई ,मुख्य बजार र भित्रि सडकहरु समेत सुनसान

छाल खवर
धरान,१ जेठ ःजिल्ला प्रशासन कार्यालय सुनसरीले दोस्रो पटक जारी गरेको पुर्णनिषेधाज्ञा तथा लकडाउन धरानमा कडा बनाई)को छ छ ।

कोरोना सङ्क्रमण दिन प्रतिदिन तिव्रगतिमा वढन थालेपछि लकडाउन कडा वनाइएको हो ।

धरानमा कोरोना अत्यन्तै समुदाय स्तरमा बढेकोले धरान प्रहरीले हिडडुलमा कडाई गरीएको प्रहरीले जनाएको छ ।

प्रहरीले विहान अनवश्यकरुपमा हिँडडुल गर्ने र मर्निङवाक गर्नेहरूलाई नियन्त्रणमा लिएर होल्ड गराएको थियो ।

लकडाउनको पहिलो दिन धरान बजारको मुख्य सडक सुनसान बनेको थियो ।

धरान उपमहानगरपालिका र इलाका प्रहरी कार्यालयले प्रहरी जनशक्ति परिचालन गरी कडाई गरीएको इलाका प्रहरी कार्यालय धरानका प्रमुख डिएसपी ज्ञानेन्द्रबहादुर बस्नेतले बताएकाछन् ।

मुख्य चोकहरुमा सुरक्षाकर्मी तैनाथ गरी लकडाउनमा कडाई गरीएको छ ।